- 2020-04-10 06:55:19
- ព័ត៌មាន
គេហទំព័រល្បីឈ្មោះចិន បើកទទួលការកុម្ម៉ង់ iPhone 9 សន្យាដល់ដៃអតិថិជនថ្ងៃទី ១ ឧសភា
- 2020-04-10 06:55:19
- ចំនួនមតិ 0 | ចំនួនចែករំលែក 0
គេហទំព័រល្បីឈ្មោះចិន បើកទទួលការកុម្ម៉ង់ iPhone 9 សន្យាដល់ដៃអតិថិជនថ្ងៃទី ១ ឧសភា
ចន្លោះមិនឃើញ
គេហទំព័រលក់ទំនិញអនឡាញដ៏ធំរបស់ប្រទេសចិនគឺ Jingdong (JD.com) បានប្រកាសទទួលការកុម្ម៉ង់ទុកជាមុនសម្រាប់ទូរសព្ទជំនាន់ក្រោយ iPhone 9 ឬ iPhone SE ជំនាន់ទី ២ ដែលបញ្ជាក់ច្បាស់ថានឹងដឹកជញ្ជូនចេញនៅចន្លោះថ្ងៃទី ១ ដល់ ១០ ឧសភា។
កន្លងមក Apple មិនទាន់បង្ហាញពីកាលបរិច្ឆេទចេញផ្សាយ iPhone 9 ច្បាស់ការនៅឡើយ តែតាមចចាមអរ៉ាមល្ហិចល្ហៀងថាគ្រោងធ្វើឡើងនៅថ្ងៃទី ១៥ មេសាខាងមុខ និងចេញលក់នៅថ្ងៃទី ២២ ក្នុងខែដដែល។
យ៉ាងណាមិញតាមការចុះផ្សាយលើគេហទំព័រ JD មិនបានបង្ហើបព័ត៌មានលម្អិតអ្វីនោះឡើយជុំវិញ iPhone 9 មិនថារូបរាង និងតម្លៃផ្លូវការ តែសន្យាថាទំនិញនឹងដល់ដៃអតិថិជនចន្លោះថ្ងៃ ១-១០ ឧសភាយ៉ាងពិតប្រាកដ។
រំឭកថាតាមការលេចលឺកន្លងមក iPhone 9 នឹងមានតម្លៃលក់ ៣៩៩ ដុល្លារ ដោយស្ថិតក្នុងជម្រើសអង្គផ្ទុក 64/128/256GB។ ប្រើប្រាស់ RAM 3GB មានអេក្រង់ ៤,៧ អ៊ីញ រូបរាងស្រដៀង iPhone 8 គ្រាន់វិវត្តប្រើឈីប A13៕
អានអត្ថបទ: