- 2020-03-18 03:34:10
- ព័ត៌មាន
ក្រុមហ៊ុនរថយន្តធំជាងគេក្នុងលោក ត្រៀមបិទរោងចក្រនៅទូទាំងអឺរ៉ុប
- 2020-03-18 03:34:10
- ចំនួនមតិ 0 | ចំនួនចែករំលែក 0
ក្រុមហ៊ុនរថយន្តធំជាងគេក្នុងលោក ត្រៀមបិទរោងចក្រនៅទូទាំងអឺរ៉ុប
ចន្លោះមិនឃើញ
ក្រុមហ៊ុនរថយន្ត Volkswagen កំពុងត្រៀមខ្លួនក្នុងការផ្អាកដំណើរការផលិតកម្មនៅទូទាំងអឺរ៉ុប ដោយសារទ្វីបនេះជួបបញ្ហាក្នុងការទប់ស្កាត់ការរាលដាលកូវីដ១៩។
ក្រុមហ៊ុនរថយន្តអាល្លឺម៉ង់បាននិយាយនាថ្ងៃអង្គារថា ផលិតកម្មរថយន្តនៅប្រទេសអេស្ប៉ាញ នៅព័រទុយហ្គាល់ និងនៅប្រទេសស្លូវ៉ាគីនឹងត្រូវផ្អាកនៅមុនចុងសប្ដាហ៍នេះ។ រោងចក្រនៅអ៊ីតាលីដែលផលិតរថយន្ត Lamborghini និងម៉ូតូ Ducati ក៏នឹងត្រូវផ្អាកផងដែរ។
នាយកប្រតិបត្តិ Volkswagen លោក Herbert Diess បានប្រាប់អ្នកកាសែតនៅថ្ងៃអង្គារថា រោងចក្រដទៃទៀតនៅអាល្លឺម៉ង់ និងនៅតំបន់អឺរ៉ុប គឺសុទ្ធតែកំពុងត្រៀមខ្លួនផ្អាកផលិតកម្ម ប្រហែលជារយៈពេល ២ សប្ដាហ៍។
Volkswagen មានកាន់កាប់ម៉ាករថយន្តជាច្រើនទៀតក្រៅពីម៉ាក Volkswagen មានដូចជា Skoda, Audi, Porsche, Bugatti, Bentley និង Lamboghini ជាដើម បានដឹកជញ្ជូនរថយន្ត ១០,៨ លានគ្រឿងដល់អតិថិជននៅក្នុងឆ្នាំ ២០១៩ ដែលច្រើនលើសក្រុមហ៊ុនរថយន្តដទៃទៀត៕