- 2020-03-17 02:23:40
- ព័ត៌មាន
YouTuber ត្រូវប្រយ័ត្នព្រោះអាចមានវីដេអូលុបចេញពី YouTube ច្រើនខុសពីធម្មតា
- 2020-03-17 02:23:40
- ចំនួនមតិ 0 | ចំនួនចែករំលែក 0
YouTuber ត្រូវប្រយ័ត្នព្រោះអាចមានវីដេអូលុបចេញពី YouTube ច្រើនខុសពីធម្មតា
ចន្លោះមិនឃើញ
បណ្ដាញ YouTube បានផ្ដល់ដំណឹងដល់អ្នកផលិតមាតិកាវីដេអូថា ការលុបចេញវីដេអូពី YouTube អាចនឹងមានច្រើនលើសពីធម្មតា ព្រោះថាដំណើរការត្រួតពិនិត្យលើវីដេអូនឹងត្រូវពឹងផ្អែកលើប្រព័ន្ធ AI ជាបណ្ដោះអាសន្ន ជំនួសឲ្យការត្រួតពិនិត្យដោយមនុស្សផ្ទាល់។
គួរដឹងថា Google ដែលក្រុមហ៊ុនមេរបស់ YouTube បានធ្វើការណែនាំឲ្យបុគ្គលិកជិត ១២ ម៉ឺននាក់នៅទូទាំងពិភពលោក ធ្វើការពីផ្ទះដើម្បីជាការប្រុងប្រយ័ត្នចំពោះការឆ្លងវីរុសកូរ៉ូណា។ គួរដឹងថាមានការរាយការណ៍ពីករណីឆ្លងវីរុសកូរ៉ូណាជាង ១៨ ម៉ឺនករណី ក្នុងនោះនៅសហរដ្ឋអាមេរិកមានជាង ៤ ពាន់ករណី។
“នេះមានន័យថាប្រព័ន្ធ AI នឹងចាប់ផ្ដើមធ្វើការលុបចេញវីដេអូមួយចំនួនដោយមិនមានមនុស្សត្រួតពិនិត្យឡើយ ដូចនេះយើងនៅអាចបន្តលុបចេញវីដេអូដែលបានល្មើសនឹងលក្ខខណ្ឌរបស់យើង និងបន្តការពារប្រព័ន្ធរបស់យើងបានរហ័ស។ ខណៈដែលយើងធ្វើដូចនេះ អ្នកប្រើប្រាស់ និងអ្នកផលិតវីដេអូប្រហែលជាឃើញការកើនឡើងនៃការដកចេញវីដេអូ រួមមានវីដេអូដែលប្រហែលជាមិនមានល្មើសលក្ខខណ្ឌផងដែរ។” នេះជាការលើកឡើងរបស់ YouTube ក្នុងវិបសាយរបស់ខ្លួន។
ការត្រួតពិនិត្យមាតិកានៅ YouTube គឺជាការងាររបស់ប្រព័ន្ធ AI និងមនុស្សធ្វើរួមគ្នា។ ដូចនេះវីដេអូដែល AI ចាត់ទុកថាបានល្មើសលក្ខខណ្ឌ គឺត្រូវត្រួតពិនិត្យដោយមនុស្សជាមុនសិន មុនលុបចោល។ យ៉ាងណាក្ដី ខណៈពេលដែលមិនមានបុគ្គលិកបម្រើការនៅការិយាល័យ YouTube នឹងរំលងដំណាក់កាលទីពីរ ដោយពឹងផ្អែកទាំងស្រុងលើ AI៕