ជួយច្រើនមែន! កម្មវធីថ្មីមួយជួយកុមារឲ្យចម្រើនវ័យដោយសុខភាពល្អឆ្លាតវៃ ប្រើឥតគិតថ្លៃ

2019-12-25 05:02:11
ព័ត៌មាន

2019-12-25 05:02:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនលូតលាត់ដោយសុខភាពល្អ ឆ្លាតវៃ ក្លាហាន មានឯករាជ្យ និងមានអត្តចរិតល្អ គឺជាការចង់បានរបស់ឪពុកម្ដាយគ្រប់រូប។ វាច្បាស់ជាពិបាកបន្តិចហើយ បើអ្នកគ្មានបទពិសោធន៍ ទើបមានកូនលើកដំបូង ឬ រវល់ធ្វើការងារទាំងប្ដីប្រពន្ធស្ទើររាល់ថ្ងៃនោះ។

អស់បារម្ភច្រើន! ឥលូវនេះ មានកម្មវិធី ទូរស័ព្ទថ្មីមួយ ឈ្មោះថា កូនឆ្លាត (Koan Chlaat) ដែលផ្ដល់ចំណេះដឹងចាំបាច់ សំខាន់ៗ ពីររបៀបថែទាំកូនជាទីស្រលាញ់ តាំងពីក្នុងផ្ទៃ រហូតដល់អាយុក្រោម ៦ឆ្នាំ និងរបៀបបង្ហាត់បង្រៀនកូន ដល់ឪពុកម្ដាយ អាណាព្យាបាល អ្នកថែទាំ និង អ្នកធ្វើការជាមួយកុមារ ដើម្បីឲ្យកុមារត្រៀមខ្លួនយ៉ាងល្អដើម្បីចូលរៀនប្រកបដោយជោគជ័យ។

កម្មវិធី កូនឆ្លាត (Koan Chlaat) បង្កើតឡើងដោយ អង្គការ Save The Children ក្នុងគោលដៅជំរុញ និងបង្ហាញពីរបៀបមើលថែទាំកូនត្រឹមត្រូវដល់ឪពុកម្ដាយសម័យថ្មី ដើម្បីចិញ្ចឹមកូនប្រកបដោយគុណភាព ជួយបង្កើនជំនាញ សមត្ថភាព និង ផលិតភាព, ជួយឲ្យការសិក្សា និងសុខភាពកុមារមានការប្រសើរឡើង, កាត់បន្ថយភាពក្រីក្រ និងភាពមិនស្មើគ្នា នៅក្នុងសង្គម និងជួយអភិវឌ្ឍប្រទេសជាតិយើងឲ្យរីកចម្រើនប្រកបដោយចិរភាព។