ឡូយមែនកូនខ្មែរយើងឥលូវ ទើបតែ ៨ទៅ១២ឆ្នាំទេ រៀនចេះកម្មវិធីបង្កើតកូដស្តង់ដារសិង្ហបុរីដោយជោគជ័យ

2019-12-17 09:05:11
ព័ត៌មាន

2019-12-17 09:05:11
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្សានុសិស្សខ្មែរដល់ទៅ១០០នាក់បានបញ្ចប់ការសិក្សាលើកម្មវិធីកូដដោយជោគជ័យ កាលពីថ្ងៃទី ១៤ ខែធ្នូ ឆ្នាំ២០១៩។

ជាក់ស្ដែងកម្មវិធីសិក្សាខាងលើ Tiny Coding Cats បានរៀបចំឡើងនៅអគារ Raintree ដែលជាការិយាល័យអភិវឌ្ឍន៍ បង្កើតគំនិតច្នៃប្រឌិត បណ្ដុះបណ្ដាល សមត្ថភាព លើវិស័យអប់រំ និងបច្ចេកវិទ្យា បានចាប់ដៃគូរជាមួយSaturday Kids (សឹង្ហបុរី) និងមានការឧបត្ថម្ភគាំទ្រពី Smart Axiata។

សិស្សានុសិស្សវ័យក្មេងដែលមានអាយុទើបតែ ៨ ទៅ ១២ឆ្នាំប៉ុណ្ណោះបានទទួលការសិក្សារលើជំនាញបង្កើតកូដរយៈពេល ៦សប្ដាហ៍ពេញ។ ពួកគេបានទទួលការអប់រំលើផ្នែកមួយនេះរួមមាន៖

មូលដ្ឋានគ្រឹះនៃវិទ្យាសាស្ត្រកុំព្យូទ័រ ដូចជា Loops (កម្មវិធីសាឡើងវិញ)
Cloning (ការចម្លងកម្មវិធី)
Broadcast (ការបញ្ចូលសំណុំឯកសារ)
Sensing ( កម្មវិធីដឹងដោយស្វ័យប្រវត្តិ)។ ពួកគេអាចបង្កើតរឿងរ៉ាវខុសៗគ្នាដូចជា ៖ គំនូរជីវចល និងហ្គេមផ្សេងៗដោយខ្លួនឯង។ បន្ទាប់ពីនោះស្នាដៃរបស់ពួកគេ អាចនឹងត្រូវរំលែកជាមួយ សិស្សផ្សេងទៀត ដើម្បីសហការគ្នាទៅលើគម្រោងតែមួយ។

ចំណុចដែលធ្វើឲ្យកម្មវិធីនេះ មានសារសំខាន់ជាពិសេស គឺវាអាចជួយឲ្យសិស្សានុសិស្សវ័យក្មេងខ្មែរយើង មិនត្រឹមតែរៀនចេះ និងស្គាល់ពីកម្មវិធីកូដឡើយ ប៉ុន្តែពួកគេក៏អាចបង្កើតកូដដើម្បីរៀន និងមានភាពឆ្លាតវៃ ដើម្បីត្រៀមខ្លួនរួចរាល់សម្រាប់បញ្ហាប្រឈមផ្សេងៗក្នុងជីវិតក្នុងសតវត្សរ៍ទី២១៕