- 2019-11-19 02:12:12
- ព័ត៌មាន
ឆ្នាំក្រោយ SONY អាចនឹងបញ្ចេញទូរសព្ទកាមេរ៉ា ៦ គ្រាប់
- 2019-11-19 02:12:12
- ចំនួនមតិ 0 | ចំនួនចែករំលែក 0
ឆ្នាំក្រោយ SONY អាចនឹងបញ្ចេញទូរសព្ទកាមេរ៉ា ៦ គ្រាប់
ចន្លោះមិនឃើញ
ត្បិតថាចំនួនលក់បន្តធ្លាក់ចុះមែន ប៉ុន្តែ Sony នឹងនៅតែបន្តបញ្ចេញស្មាតហ្វូនថ្មីៗសម្រាប់លក់លើទីផ្សារនាឆ្នាំ ២០២០ ខាងមុខនេះ។ បើតាមព័ត៌មានលេចធ្លាយថ្មី Sony កំពុងដុតដៃដុតជើងអភិវឌ្ឍន៍ទូរសព្ទ Flagship ថ្មីចំនួន ៤ និងទូរសព្ទធន់កណ្ដាលចំនួន ៣ សម្រាប់ឆ្នាំក្រោយ។
ទូរសព្ទ Flagship ទាំងបួន ជឿជាក់ថានឹងដំណើរការដោយបន្ទះឈីប Snapdragon 865 ដែលមានទ្រាំទ្រនឹងសេវា 5G ហើយទូរសព្ទធន់កណ្ដាលមួយចំនួនរំពឹងថាប្រើបន្ទះឈីប Snapdragon 735 ដែលលេចឮថាអាចទ្រាំទ្រសេវា 5G បានផងដែរ។
កាលពីខែមិថុនា គេបានឃើញរូបភាព Render មួយ និងអំពីលក្ខណៈសម្បត្តិរបស់ដង្គុំកាមេរ៉ា ៦ គ្រាប់លើស្មាតហ្វូន Sony ជំនាន់ថ្មី។ បើផ្អែកតាមដំណឹងថ្មី គេជឿជាក់ថាវាជាម៉ូដែលសម្រាប់ឆ្នាំ ២០២០ ដែលគេឲ្យឈ្មោះថា Xperia 0។
ផ្អែកតាមចចាមអារ៉ាម កាមេរ៉ាមេរបស់វាគឺមានទំហំ ៤៨ MP មាន Aperture អាចប្រែប្រួលពី F/1.2 ទៅ F/2.4 អមដោយកាមេរ៉ាទីពីរមានកម្រិត ១២MP អាចប្រែប្រួល Aperture ក្នុងកម្រិតដូចគ្នា។ កាមេរ៉ាដទៃទៀតគឺមានមួយគ្រាប់ទំហំ ២០ MP មាន Aperture F/2.4, កាមេរ៉ាទំហំ ១៦MP មាន Aperture F/2.4, កាមេរ៉ា ៨MP មាន Aperture F/2.4 និងកាមេរ៉ាវាស់ជម្រៅស ToF ទំហំ ០,៥MP។
យ៉ាងណាក្ដីគួរបញ្ជាក់ថាទាំងនេះគឺនៅជាពាក្យចចាមអារ៉ាមនៅឡើយ មិនទាន់មានប្រភពផ្លូវការណាអាចបញ្ជាក់ពីវាបាននៅឡើយទេ។ រង់ចាំតាមដានបន្តទៀត អំពីការវិវត្តជុំវិញស្មាតហ្វូន Sony ចេញនៅឆ្នាំក្រោយ៕
ចុចអាន ៖ Samsung Galaxy S11 នឹងមានសមត្ថភាពអាចថតវីដេអូដល់កម្រិត 8K