Samsung Galaxy S11 នឹងមានសមត្ថភាពអាចថតវីដេអូដល់កម្រិត 8K

2019-11-19 01:54:33
ព័ត៌មាន

2019-11-19 01:54:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ទន្ទឹមនឹងស្ថិតក្នុងដំណាក់កាលអភិវឌ្ឍ ព័ត៌មានបែកធ្លាយជាច្រើនក៏បន្តលេចចេញឥតឈប់ជុំវិញរឿងរ៉ាវនៃស្មាតហ្វូន Galaxy S11ដែលក្រុមហ៊ុន Samsung ត្រៀមធ្វើប្រកាសនៅដើមឆ្នាំ ២០២០។

តាមរយៈការត្រួតពិនិត្យមើលកូដ One UI 2.0 beta 4 នៃកម្មវិធី Samsung Camera ប្រភពពីគេហទំព័រ XDA Developers បានអះអាងថា S11 នឹងមានសមត្ថភាពអាចថតវីដេអូដល់កម្រិត 8K នៅលក្ខខណ្ឌ 30fps ដែលនេះខ្ពស់ជាងឆ្ងាយបើធៀបនឹងជំនាន់ Galaxy S10/Note 10 ធ្វើបានត្រឹម 4K នៅលក្ខខណ្ឌ 60/30fps តែប៉ុណ្ណោះ។

ការថតកម្រិតខ្ពស់បែបនេះគឺមានការគាំទ្រលើដំណើរការនៃបន្ទះឈីប Exynos 990 សម្រាប់ម៉ូឌែលលើទីផ្សារអន្តរជាតិ និង Sanpdragon 865 នៃម៉ូឌែលតម្រូវទីផ្សារអាមេរិក។ យ៉ាងណាមិញ Samsung ក៏ទំនងជានឹងកែប្រែហើយធ្វើការបន្ថែមលើ Sensor កាមេរ៉ាទំហំ 12MP មក 108MP ព្រោះទំហំតូចដែលប្រើប្រាស់ជាង ៤ ឆ្នាំមកនេះ មិនអាចសម្របបានទៅនឹងការផលិតវីដេអូកម្រិតខ្ពស់ឡើយ។

គួររំឭកថា S11/S11+ ត្រូវបានគេជឿថាមានប្រើប្រាស់អេក្រង់រចនាបថ Infinity-O ដូចមានលើ Note 10 ខណៈអេក្រង់ប្រភេទធម្មតា ៦,២ អ៊ីញ និង ៦,៧ អ៊ីញលើប្រភេទ Plus។ ក្រៅពីដំណើរការលើ Android 10 និងផ្ទៃ One UI 2.1 ក៏នឹងមានថាមពលថ្មធំជាងមុនចន្លោះពី ៤ ០០០mAh ទៅ ៤ ៨០០mAh ផ្អែកតាមម៉ូឌែលនីមួយៗ៕

អានអត្ថបទ:

ប្រភព៖ PhoneArena ប្រែសម្រួល៖ កៅ រក្សា