/5dbb91e40d3b8_1572573660_medium.png)
- 2019-11-01 02:03:34
- ផលិតផលថ្មី
ចេញរូបរាងផ្លូវការដំបូងរបស់ទូរសព្ទ Motorola អេក្រង់បត់
- 2019-11-01 02:03:34
- ចំនួនមតិ 0 | ចំនួនចែករំលែក 0
ចេញរូបរាងផ្លូវការដំបូងរបស់ទូរសព្ទ Motorola អេក្រង់បត់
ចន្លោះមិនឃើញ
Motorola នឹងបង្ហាញចេញជាផ្លូវការនូវស្មាតហ្វូន Motorola Razr ជំនាន់ ២០១៩ នៅថ្ងៃទី ១៣ ខែវិច្ឆិកា ដែលវានឹងជាប្រភេទទូរសព្ទដូចមុន ប៉ុន្តែអេក្រង់ខាងក្នុងមានការផ្លាស់ប្ដូរថ្មី។
មុនការចេញជាផ្លូវការ Evan Blass បានបញ្ចេញរូបភាពជាច្រើនសន្លឹកនៃស្មាតហ្វូនបត់នេះ ដែលទំនងជារូបភាពយកចេញពីពាណិជ្ជកម្មផ្លូវការ។ រូបភាពទាំងនេះអាចឲ្យគេឃើញច្បាស់អំពីរូបរាងរបស់ Motorola Razr ថ្មី។
ចចាមអារ៉ាមកន្លងមកឲ្យដឹងថា Razr នឹងមានបំពាក់អេក្រង់ OLED ទំហំ ៦,២ អ៊ីញ និងមានអេក្រង់ទីពីរនៅខាងក្រៅអាចបង្ហាញរូបភាពក្នុងកម្រិត ៦០០x៨០០ ភីកសែល។ គេជឿជាក់ថាវានឹងប្រើឈីប Snapdragon 710 អមដោយ RAM ៤GB ឬ ៦GB និងអង្គផ្ទុក ១២៨GB។ ថាមពលថ្មអាចមានទំហំ ២៧៣០ mAh។
ការប៉ាន់ស្មានដំបូងៗបានលើកឡើងថាស្មាតហ្វូននេះនឹងមានតម្លៃខ្ទង់ ១ ៥០០ ដុល្លារ ប៉ុន្តែត្រូវរង់ចាំមើលជាក់ស្ដែងនៅថ្ងៃទី ១៣ ខែវិច្ឆិកាឆាប់ៗនេះ៕
ចុចអាន ៖ Tim Cook ថាការលក់ iPhone 11 មានសញ្ញាវិជ្ជមាន ដោយសារយុទ្ធសាស្ត្រមួយនេះ
