DJI ចេញផ្សាយ Drone ថ្មី Mavic Mini ធូរថ្លៃត្រឹម ៣៩៩ ដុល្លារ

2019-10-31 08:45:21
ផលិតផលថ្មី

2019-10-31 08:45:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន DJI បានប្រកាសផ្សាយ Drone ជំនាន់ថ្មី ដែលមានរូបរាងតូចច្រឡឹងនិងទម្ងន់ស្រាល បើធៀបនឹងជំនាន់មុនៗ។ ប្រភេទនេះរចនាឡើងសម្រាប់អ្នករៀនប្រើប្រាស់ដំបូង និងងាយស្រួលក្នុងការបង្ហោះនៅតំបន់ហាមឃាត់សម្រាប់ Drone ខ្នាតធំ។

ស្ថិតក្នុងទម្ងន់ខ្លួន ២៤៩ ក្រាម Mavic Mini មានកាមេរ៉ា 12MP ប្រើប្រាស់ឡេនទំហំ ២៨ មីលីម៉ែត្រ មាន Aperture f/2.8 ប្រើប្រាស់ gimbal 3-axis ដែលអាចគាំទ្រការថតវីដេអូដល់កម្រិត ២ ៧២០x១ ៥៣០ ភីកសែលនៅលក្ខខណ្ឌ 30p ឬ ១ ៩២០x១ ០៨០ ភីកសែលនៅលក្ខខណ្ឌ 60p។ ម៉ូឌែលនេះមិនគាំទ្រការថតវីដេអូកម្រិត 4K និង Slow motion ដូច Mavic 2 នោះឡើយ។

ស្ថិតក្នុងថាមពលថ្មទំហំ ២ ៤០០mAh អាចហោះបាន ៣០ នាទី ក្នុងចម្ងាយ ៤ គីឡូម៉ែត្រពីទីតាំងបញ្ជា ដោយគាំទ្រការប្រើប្រាស់ជាមួយប្រព័ន្ធ iOS និង Android តាមរយៈកម្មវិធី DJI Fly។

Mavic Mini មានតម្លៃ ៣៩៩ ដុល្លារ សម្រាប់ឈុតមាន Drone, ឧបករណ៍បញ្ជានិងឧបករណ៍មួយចំនួនផ្សេងទៀត ខណៈឈុតធំថ្លៃ ៤៩៩ ដុល្លារមានបន្ថែមថ្ម និងឧបករណ៍សាក ក៏ដូចជាកាបូបជាដើម៕

អានអត្ថបទ:

ប្រភព៖ GSMarena ប្រែសម្រួល៖ កៅ រក្សា