កាល​ពី​ថ្ងៃទី​២៦​ តុលា ២០១៩កន្លង​ទៅ​នេះ ក្រុមហ៊ុន​​​​ គីម​ហេង សិន​ធ័រ​បាន​ប្រកាស​ជា​ផ្លូវ​ការ​នឹង​ក្លាយ​ជា​តំណាង​ចែក​ចាយ​ផ្តាច់​មុខ​នៅ​កម្ពុជា​ពី​ក្រុមហ៊ុន​បច្ចេកវិទ្យារ DAHUA ដែល​ជា​ក្រុមហ៊ុន​ជាប់​ចំណាត់​ថ្នាក់​លេខ​ ២​នៅ​លើ​ផ្នែក​កាម៉េរា​សុវត្ថិភាព A&S នៅ​ក្នុង​ឆ្នាំ​២០១៨​​ និង​ជា​អ្នក​ផ្ដល់​សេវាកម្ម​ផ្នែក​ video-centric smart IoT លំដាប់​ពិភព​លោក​។

បាន​បង្កើត​ឡើង​នៅ​ក្នុង​ឆ្នាំ​២០០១​ បច្ចុប្បន្ន​ក្រុមហ៊ុន​បច្ចេកវិទ្យា DAHUAមាន​បុគ្គលិក​ចំនួន ១៧០០០ នាក់ សាខា​នៅ​ក្រៅ​ប្រទេស ៥៤​សាខា ដែល​រួម​មាន​ផលិតផល​ដូច​ជា CCTV Camera, Access Control, Video Intercoms, LED/LCD Display, Video Conferencing to Machine Vision, Drones and so on។

ក្រុមហ៊ុន​គីម ហេង បាន​ចាប់​ផ្ដើម​ធ្វើ​អាជីវកម្ម​តាំង​ពី​ឆ្នាំ​១៩៩៥ ដោយ​លោក លីម គ្រី​ ដែល​ជា​តំណាង​ចែក​ចាយ​ដំបូង​គេ​បង្អស់​កម្ពុជា។ បច្ចុប្បន្ន​នេះ​ក្រុមហ៊ុន ​គីម ហេង​សិនធ័រ​មាន​តំណាង​ចែក​ចាយ​ពី​ក្រុមហ៊ុន HP, Panasonic, IBM, ICOM, SONY, TP Link and Dahua ។

ការ​ធ្វើ​សហប្រតិបត្តិ​ការ​រវាង​ក្រុមហ៊ុន​បច្ចេកវិទ្យា DAHUA និង ក្រុមហ៊ុន​​​​ គីម​ហេង សិនធ័រ​​ គឺ​ដើម្បី​សម្រេច​ចក្ខុវិស័យ «សង្គម​មាន​សុវត្ថិភាព និង​ការ​រស់​នៅ​ឆ្លាត​វៃ​» នៅ​ក្នុង​កម្ពុជា។ គោលការណ៏​ចម្បង​គឺ ផ្ដោត​សំខាន់​ទៅ​លើ​អតិថិជន​ ដែល​ផ្ដល់​ជូន​នូវ​គុណភាព និង​សេវា​ដ៏​ល្អ​បំផុត​ជូន​អតិថិជន ដើម្បី​បង្កើត​តម្លៃ​កាន់​តែ​ខ្ពស់​សម្រាប់​អតិថិជន​តាម​រយៈ​ការ​ខិត​ខំ​ប្រឹង​ប្រែង​ដើម្បី​កសាង​សង្គម​ប្រកប​ដោយ​សុវត្ថិភាព ឆ្លាតវៃ ងាយ​ស្រួល​ និង​មាន​ប្រសិទ្ធភាព​សម្រាប់​កម្ពុជា៕