ព្រឹត្តិការណ៍ដ៏សំខាន់បំផុតនៅក្នុងពិភពលោកនៃការប្រកួតកីឡាអេឡិចត្រូនិច (eSports) រដូវកាល PUBG Mobile Club Open 2019 (PMCO 2019) Fall Season បានឈានដល់វគ្គផ្តាច់ព្រ័ត្រនៅក្នុងតំបន់អាស៊ីអាគ្នេយ៍ គឺនឹងធ្វើឡើងនៅ ថ្ងៃទី ២ និងទី ៣ ខែវិច្ឆិកា ឆ្នាំ ២០១៩ ខាងមុខនេះនៅក្នុងទីក្រុងបាងកកប្រទេសថៃ។

នៅក្នុងការប្រកួតវគ្គផ្តាច់ព្រ័ត្រអាស៊ីអាគ្នេយ៍នេះ គឺមានការចូលរួមពីក្រុមចំនួន ១៦ ក្រុមដែលឆ្លងកាត់ការជម្រុះជើងមុន។ ប្រទេសទាំងនេះមានដូចជាកម្ពុជា ឥណ្ឌូនេស៊ី ម៉ាឡេស៊ី ថៃ និងវៀតណាម។ បន្ថែមពីនេះទៀត សម្រាប់ក្រុមទាំងអស់ដែលនឹងប្រកួតប្រជែងនៅក្នុងវគ្គផ្តាច់ព្រ័ត្រនៅតំបន់អាស៊ីអាគ្នេយ៍នេះ នឹងត្រូវធ្វើការប្រកួតដើម្បីដណ្តើមសំបុត្រទៅកាន់វគ្គផ្តាច់ព្រ័ត្រលំដាប់ពិភពលោកថែមទៀត។

PUBG Mobile Club Open 2019 ឬ PMCO 2019 គឺជាព្រឹត្តិការណ៍ប្រកួតដ៏ធំបំផុតរបស់ក្រុមហ៊ុនបច្ចេកវិទ្យា VIVO ដែលជាអ្នកឧបត្ថម្ភធំ ហើយការប្រកួតនេះគឺមានការបែងចែកជា ២ រដូវកាលដែលមានវគ្គ Spring Tournament និង Fall Tournament ។

នៅក្នុងការប្រកួត PMCO 2019 Spring Tournament នោះព្រឹត្តិការណ៍ PMCO 2019 នេះគឺទទួលបានការចាប់អារម្មណ៍ខ្លាំងដែលមានមនុស្សរាប់ពាន់លាននាក់ទស្សនា ហើយក៏ក្លាយជាព្រឹត្តិការណ៍ប្រកួតដែលពេញនិយមបំផុតនៅក្នុងតំបន់អាស៊ីអាគ្នេយ៍នេះ។

លោក Gaga Li ដែលជាប្រធានរបស់កីឡា eSports សម្រាប់ព្រឹត្តិការណ៍ PUBG Mobile នៅក្នុងតំបន់អាស៊ីអាគ្នេយ៍នេះនិយាយថា ព្រឹត្តិការណ៍ប្រកួត PUBG Mobile នៅក្នុងវគ្គ Fall Tournament នេះនឹងកាន់តែរំភើប និងអស្ចារ្យបំផុត។ ជាមួយនឹងការអាប់ដេតទៅលើប្រព័ន្ធក្នុងការដាក់ពិន្ទុ និងការបង្កើនទៅលើសមត្ថភាពនៃអ្នកចូលរួមជាច្រើននោះ ព្រឹត្តិការណ៍ PMCO 2019 នៅក្នុងរដូវកាល Fall Tournament នេះនឹងផ្តល់នូវភាពអស្ចារ្យបំផុតដែលមិនធ្លាប់មានពីំមុនមកនោះទេ។

នៅក្នុងការរៀបចំដោយ PUBG Mobile, PMCO 2019 មានការរំពឹងថានឹងអាចរួមចំណែកក្នុងការអភិវឌ្ឍទៅលើជំនាញរបស់អ្នកលេងជាច្រើននៅក្នុងពិភពលោកនៅលើកីឡាអេឡិចត្រូនិច (eSports) នេះរួមទាំងការបង្កើនទៅលើសុខុមាលភាពនៃប្រព័ន្ធ Eco-system របស់ហ្គេម eSports ផងដែរ។

ក្រុមហ៊ុនបច្ចេកវិទ្យា VIVO និយាយថា “ជាមួយនឹងការអភិវឌ្ឍទៅលើបច្ចេកវិទ្យានៅថ្ងៃនេះ ការប្រកួតជម្រុះ PMCO Tournament នេះគឺជាទម្រង់មួយនៃការសហការគ្នារវាងកីឡាជាច្រើន និងបច្ចេកវិទ្យា។ ហើយយើងមានមោទនភាពក្នុងការចូលរួមនៅក្នុងព្រឹត្តិការណ៍ប្រកួតដ៏អស្ចារ្យនេះជាមួយនឹងផលិតផលចុងក្រោយបំផុតនោះគឺ V17 Pro។

ជាពិសេស ស្មាតហ្វូនស៊េរីថ្មី Vivo V17 Pro មានភ្ជាប់ជាមួយនឹងបច្ចេកវិទ្យា Game Mode ក្នុងការពង្រឹងទៅលើបទពិសោធន៍ថ្មីនៃការលេងហ្គេមកាន់តែរលូន ព្រមជាមួយនឹងកាមេរ៉ាចំនួន ៦ គ្រាប់ដែលអាចធ្វើការថតរូបភាពលើសពីសមត្ថភាពរបស់វាថែមទៀត។

នៅក្នុងការប្រកួតវគ្គរដូវកាល PMCO 2019 នៅក្នុងវគ្គផ្តាច់ព្រ័ត្រនៅក្នុងតំបន់អាស៊ីអាគ្នេយ៍នេះ ស្មាតហ្វូនស៊េរីថ្មី V17 pro នេះធានាថាអ្នកលេងជាច្រើននឹងរីករាយជាមួយនឹងល្បឿននៃការលេងហ្គេមកាន់តែរលូនដោយសារតែបច្ចេកវិទ្យា Multi-Turbo acceleration technology៕”