ចេញមិនទាន់ស្រួលបួលផង រូបិយប័ណ្ណ Libra របស់ Facebook រងពាក្យប្ដឹងផ្ដល់បាត់

2019-10-14 02:53:13
ព័ត៌មាន

2019-10-14 02:53:13
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីអំឡុងខែមិថុនាកន្លងទៅ ក្រុមហ៊ុន Facebook បានចេញផ្សាយនូវរូបិយប័ណ្ណឌីជីថលរបស់ខ្លួនឲ្យឈ្មោះថា 'Libra' ក៏ដូចជាប្រកាសឈ្មោះសម្ព័ន្ធនៃដៃគូសហការទាំងឡាយដែលបោះទុនចូលរួម។ ទាំងដែលការដាក់ឲ្យប្រើប្រាស់ផ្លូវការត្រូវធ្វើឡើងនាដើមឆ្នាំ ២០២០ តែថ្មីៗនេះ Libra ក៏ស្រាប់តែរងពាក្យបណ្តឹងពីធនាគារ Current មានមូលដ្ឋាននៅទឹកដីសហរដ្ឋអាមេរិកដូចគ្នា។

Current បានចោទប្រកាន់ទៅលើក្រុមហ៊ុន Facebook ជុំវិញការរំលោភកម្មសិទ្ធិពាណិជ្ជសញ្ញា ពោលគឺប្រើប្រាស់នូវរូបភាព Logo មានភាពស្រដៀងគ្នា។ Logo ទាំងពីរបានបង្កើតឡើងដាច់ឆ្ងាយពីគ្នារយៈពេលប្រមាណ ៣ ឆ្នាំដោយ Current បានចេញផ្សាយមុនកាលពីខែសីហា ឆ្នាំ ២០១៦ ខណៈ Libra ទើបលេចចេញនៅខែមិថុនា ឆ្នាំ ២០១៩។

ក្នុងបណ្តឹងនោះដែរ Current បានប្តឹងទៅកាន់ភាគីជាប់ចោទទាំង ៤ រួមមាន Facebook, Calibra, សម្ព័ន្ធរបស់ Facebook ដែលកាន់កាប់ IP ទាក់ទិននឹង Calibra ក៏ដូចជាភ្នាក់ងារដែលបានរចនាបង្កើតនូវ Logo នេះឡើង។

ជុំវិញរឿងរ៉ាវនេះមេធាវីកម្មសិទ្ធិបញ្ញា Howard Shire បានប្រាប់ថា៖ "វាពិតជាគួរឲ្យសង្ស័យដែល Logo នៃជនជាប់ចោទ លេចចេញមកស្រដៀងទៅនឹង Logo របស់ភាគីខាងដើមបណ្តឹង"។ គ្រប់យ៉ាងគឺមិនទាន់សម្រេចថានរណាត្រូវខុសនោះទេ ពោលគឺរង់ចាំចំណាត់ការច្បាស់លាស់នៅថ្ងៃខាងមុខជាបន្តទៀត៕

អានអត្ថបទ:

ប្រភព៖ theverge ប្រែសម្រួល៖ កៅ រក្សា