- 2019-10-09 02:12:05
- ព័ត៌មាន
មុខងារហែកកេរ្តិ៍គ្នាលើ Instagram មួយ ត្រូវក្រុមហ៊ុនសម្រេចដកចោលហើយ
- 2019-10-09 02:12:05
- ចំនួនមតិ 0 | ចំនួនចែករំលែក 0
មុខងារហែកកេរ្តិ៍គ្នាលើ Instagram មួយ ត្រូវក្រុមហ៊ុនសម្រេចដកចោលហើយ
ចន្លោះមិនឃើញ
ជាទូទៅសម្រាប់អ្នកប្រើប្រាស់បណ្តាញសង្គម Instagram អាចធ្វើការតាមដានដឹងនូវសកម្មភាពនៃការចុច Like, Comment ឬការ Follow របស់គណនីមិត្តភ័ក្ដិឬមនុស្សដែលអ្នក Follow ក្នុងទីតាំង Activity feed។ ស្រមៃថាប្រសិនជាអ្នក ហើយបានចុច Like ទៅលើរូបសង្សារចាស់ (Ex) ឬលើរូបនារីស៊ិចស៊ីណាមួយ ហើយត្រូវបានមិត្តភ័ក្ដិរបស់អ្នកចាប់បាន នោះជារឿងដ៏គួរឲ្យខ្មាសអៀនបំផុត។
បញ្ហានេះក៏ទទួលបានការរិះគន់មិនតិចនោះដែរពីសំណាក់អ្នកប្រើប្រាស់ ដោយរំអុកថាការដែល Instagram ធ្វើបែបនេះ ហាក់ពុំបានផ្តល់ភាពជាឯកជនដល់គណនីនីមួយៗទាល់តែសោះ។ ប៉ុន្តែចូលមកដល់ការអាប់ដែតថ្មី ក្រុមហ៊ុនស្ថិតក្រោមទ្រនំមេ Facebook ក៏សម្រេចដកមុខងារហែកកេរ្តិ៍មួយនេះចោលហើយ។
នៅទីតាំង Activity feed អ្នកនឹងលែងបានឃើញប្រអប់ Following ពោលគឺបន្សល់ត្រឹមពាក្យ Activity ដែលរៀបរាប់ពីសកម្មភាពកើតមានលើគណនីរបស់អ្នកផ្ទាល់តែប៉ុណ្ណោះ។ ការកែប្រែនេះបានកើតមានដល់គណនីមួយចំនួនធំ ខណៈគណនីឯទៀតក៏នឹងទទួលបាននៅពេលក្រោយ៕
អានអត្ថបទ: