- 2019-08-28 02:27:36
- ព័ត៌មាន
បុរសដែលបានជួយឲ្យ Volkswagen ក្លាយជាសម្ព័ន្ធយក្ស បានបាត់បង់ជីវិតនៅវ័យ ៨២ ឆ្នាំ
- 2019-08-28 02:27:36
- ចំនួនមតិ 0 | ចំនួនចែករំលែក 0
បុរសដែលបានជួយឲ្យ Volkswagen ក្លាយជាសម្ព័ន្ធយក្ស បានបាត់បង់ជីវិតនៅវ័យ ៨២ ឆ្នាំ
ចន្លោះមិនឃើញ
សម្ព័ន្ធ Volkswagen នាពេលបច្ចុប្បន្ននេះមានកាន់កាប់នូវម៉ាករថយន្តជាច្រើន មានចាប់តាំងពីរថយន្តប្រណីត, រថយន្តតម្លៃមធ្យម និងរថយន្តដឹកទំនិញធំៗទៀតផង។ ជោគជ័យរបស់ Volkswagen សព្វថ្ងៃនេះគឺដោយសារតែការខិតខំរបស់លោក Ferdinand Piëch អតីតប្រធាន និងនាយកប្រតិបត្តិរបស់សម្ព័ន្ធ ដែលលោកបានបាត់បង់ជីវិតកាលពីពេលថ្មីៗនេះនៅមន្ទីរពេទ្យរដ្ឋ Bavaria ប្រទេសអាល្លឺម៉ង់ នៅវ័យ ៨២ ឆ្នាំ។
លោក Piëch បានឡើងកាន់តំណែងជានាយកប្រតិបត្តិរបស់ Volkswagen នៅឆ្នាំ ១៩៩៣ ពេលដែលក្រុមហ៊ុនដែលមានមូលដ្ឋាននៅអាល្លឺម៉ង់មួយនេះ ជួបប្រទះនឹងការខាតបង់យ៉ាងធ្ងន់ធ្ងរ។ ប៉ុន្តែនៅត្រឹមឆ្នាំ ២០១៤ ក្រុមហ៊ុននេះអាចលក់រថយន្តបានជាង ១០ លានគ្រឿងជារៀងរាល់ឆ្នាំ ជាមួយប្រាក់ចំណេញមានដល់ជាង ១៣ ពាន់លានដុល្លារ។
លោក Piëch កាន់កាប់តំណែងខាងលើត្រឹមឆ្នាំ ២០០២ ដោយចាប់តាំងពីឆ្នាំ ២០០២ ដល់ ២០១៥ លោកឡើងធ្វើជាប្រធាននៃក្រុមប្រឹក្សាភិបាលជំនួសវិញ។ ត្បិតថាលែងជាប្រធាន និងនាយកប្រតិបត្តិក្រុមហ៊ុន ប៉ុន្តែលោកនៅតែបុគ្គលសំខាន់ក្នុងការសម្រេចចិត្ត និងរៀបចំផែនការយុទ្ធសាស្ត្រសម្រាប់ក្រុមហ៊ុន។
ក្រោមការដឹកនាំរបស់លោក Piëch ក្រុមហ៊ុន Volkswagen បានទិញយកក្រុមហ៊ុនរថយន្តធំៗជាច្រើន រួមមាននៅឆ្នាំ ១៩៩៨ បានទិញយក Bentley, Lamborghini និង Bugatti នៅឆ្នាំ ២០១២ បានទិញយក Porsche និង Ducati៕
ចុចអាន ៖ មានការសង្ស័យថាលោក Steve Jobs នៅមានជីវិត កំពុងរស់នៅអេហ្សីប
