អ្នកប្រើ Smart លើ Android អាចប្រើ Google Mobile Data Plan បានហើយ

2019-07-30 07:07:46
ព័ត៌មាន

2019-07-30 07:07:46
ចំនួនមតិ 0 | ចំនួនចែករំលែក 0

ចន្លោះមិនឃើញ

អតិថិជនរបស់ក្រុមហ៊ុន Smart Axiata ដែលកំពុងតែប្រើប្រាស់ប្រើប្រាស់ទូរស័ព្ទដំណើរការដោយប្រព័ន្ធ Android OS 4.4 ឡើងទៅ នៅពេលនេះ អាចទទួលបានភាពរីករាយទៅលើជម្រើសនៃគម្រោង និងកញ្ចប់កាន់តែងាយស្រួល ក្រោយពីក្រុមហ៊ុនដាក់ឲ្យប្រើប្រាស់កម្មវិធី Google Mobile Data គម្រោងទិន្នន័យចល័តរបស់ (Google)។

Google Mobile Data អនុញ្ញាតឲ្យអ្នកគ្រប់គ្រងទៅលើគម្រោងទូរស័ព្ទចល័តរបស់អ្នក, ទទួលបាននូវដំណឹង ដូចជានៅពេលអ្នកផ្លាស់ប្ដូរផែនការទិន្នន័យរបស់អ្នកនិងការផ្តល់ជូន ដែលទាក់ទងទៅនឹងការប្រើប្រាស់ទូរស័ព្ទរបស់អ្នកដោយមិនចាំបាច់ដំឡើងកម្មវិធីទេ។

លោក Stjepan Udovicic ប្រធានផ្នែកទីផ្សាររបស់ក្រុមហ៊ុន Smart បានពន្យល់ថា៖ "ជាមួយនឹងកម្មវិធីថ្មីនេះ អតិថិជន នឹងអាចជ្រើសរើសគម្រោងបច្ចុប្បន្នរបស់ខ្លួន និងបន្ថែមកញ្ចប់ទិន្នន័យចល័ត ថែមទៀតដោយគ្មានដែនកំណត់ នៅពេលដែលត្រូវការ។ ប្រព័ន្ធគ្រប់គ្រងទិន្នន័យ Android ក៏អាចបង្ហាញព័ត៌មានសំខាន់ៗសម្រាប់អតិថិជនផងដែរ ដូចជា ទិន្នន័យដែលនៅសល់ និងសុពលភាពរបស់គម្រោងរបស់ប្រព័ន្ធ Smart ។"

លោក Stjepan បានបន្ថែមទៀតថា៖ "ជាមួយនឹងអត្ថប្រយោជន៍របស់កម្មវិធីគម្រោងទិន្នន័យចល័តរបស់ Google មួយនេះ អតិថិជន តែងតែអាចទទួលបាននូវតម្លាភាពពេញលេញ អំពីចំនួនសមតុល្យទិន្នន័យរបស់ខ្លួន និងរីករាយជាមួយនឹងសេវាទស្សនាភាពយន្តជាច្រើនរបស់យើងដូចជា iflix, Soyo និងសេវាស្តាប់តន្ត្រីកម្សាន្តរបស់យើងឈ្មោះថា Pleng by Smart។"

ដើម្បីដាក់ឲ្យកម្មវិធីនេះដំណើរការ អ្នកគ្រាន់តែចូលទៅកាន់ Settings --> Google --> Mobile Data Plan ជាការស្រេច។

សម្រាប់ព័ត៌មានបន្ថែម និងព័ត៌មានថ្មីៗពីក្រុមហ៊ុន Smart Axiata សូមចូលទៅកាន់ទំព័រ Facebook របស់ Smart តាមរយៈ www.facebook.com/SmartAxiata ឬតាមរយៈ www.smart.com.kh ៕

អត្ថបទ៖ អ៊ឹម ដេវីដ