- 2019-07-26 06:07:20
- ព័ត៌មាន
កូន AC ខ្នាតតូចដាក់តាមកអាវរបស់ Sony ចង់ត្រជាក់ឬក្តៅហៅបានតាមចិត្ត
- 2019-07-26 06:07:20
- ចំនួនមតិ 0 | ចំនួនចែករំលែក 0
កូន AC ខ្នាតតូចដាក់តាមកអាវរបស់ Sony ចង់ត្រជាក់ឬក្តៅហៅបានតាមចិត្ត
ចន្លោះមិនឃើញ
ក្រុមហ៊ុន Sony កន្លងទៅបានប្រកាសផ្សាយនូវប្រភេទឧបករណ៍ម៉ាស៊ីនត្រជាក់ (AC) ខ្នាតតូច សម្រាប់ដាក់តាមកអាវឲ្យឈ្មោះថា Reon Pocket។
មានទំហំតូចវិមាត្រខ្លួន ៥៤ x ២០ x ១១៦ ម.ម អមទម្ងន់ស្រាលត្រឹម ៨៥ ក្រាម ជាមួយថាមពលថ្មប្រភេទ Lithium-ion អាចប្រើបានពេញមួយថ្ងៃ និងចាយពេលសាកត្រឹមរយៈពេល ២ ម៉ោង។
ចំណុចខ្លាំងរបស់កូន AC ខ្នាតតូចមួយនេះ អាចប្រើប្រាស់ជាលក្ខណៈ Manual និង Auto លើជម្រើសសីតុណ្ហភាពក្តៅនិងត្រជាក់ ជាមួយការបញ្ជាចេញតាមរយៈស្មាតហ្វូនដំណើរការលើប្រព័ន្ធ Android និង iOS។ អ្នកប្រើប្រាស់អាចកំណត់ឲ្យសីតុណ្ហភាពលើស្បែករបស់អ្នកចុះមកត្រឹម ២៣ អង្សាសេសម្រាប់បែបត្រជាក់ និងបែបក្តៅឡើង ៨ អង្សាសេបន្ថែម។
ជាផលិតផលដាក់គោលដៅក្នុងទីផ្សារប្រទេសជប៉ុន ដែលមនុស្សភាគច្រើនចូលចិត្តស្លៀកពាក់ឈុតធំៗនិងថ្មើរជើងច្រើនក្រោមអាកាសធាតុក្តៅ។ តាមការរំពឹងទុកនឹងមានដាក់លក់ចាប់ពីដើមឆ្នាំ ២០២០ តទៅ ជាមួយតម្លៃប្រមាណ ១៣០ ដុល្លារ/គ្រឿង ។
ទស្សនាវីដេអូខាងក្រោម៖
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
