- 2019-07-10 09:29:58
- ព័ត៌មាន
ជិតដល់រដូវកាល Apple ទៀតហើយ! នេះជាផលិតផលដែលត្រៀមនឹងប្រកាស
- 2019-07-10 09:29:58
- ចំនួនមតិ 0 | ចំនួនចែករំលែក 0
ជិតដល់រដូវកាល Apple ទៀតហើយ! នេះជាផលិតផលដែលត្រៀមនឹងប្រកាស
ចន្លោះមិនឃើញ
ជារៀងរាល់ឆ្នាំ នៅខែកញ្ញា ក្រុមហ៊ុន Apple តែងតែធ្វើកម្មវិធីបង្ហាញនូវផលិតផលថ្មីៗរបស់ខ្លួន។ នៅឆ្នាំនេះក៏មិនខុសគ្នាដែរ ខាងក្រោមជាផលិតផល ដែលApple ត្រៀមបង្ហាញ៖
១. Apple Card
Apple Card គឺជាប្រភេទកាតអេឡិចត្រូនិក ដែលមានភាពវៃឆ្លាត ហើយអាចដឹងថាការចាយវាយរបស់អ្នក ទៅលើអ្វីច្រើនជាងគេ។ មិនតែប៉ុណ្ណោះ រាល់ពេលដែលអ្នកប្រើប្រាស់កាតនេះទៅទិញអ្វីមួយ អ្នកនឹងទទួលបាននូវប្រាក់គិតជាភាគរយមកវិញ ទៅតាមតម្លៃរបស់ផលិតផលនោះ។
២. iPhone XIR, iPhone XI, & iPhone XI Max
នៅខែកញ្ញាខាងមុននេះ Apple នឹងប្រកាសទូរសព្ទប្រចាំត្រកូលទាំងបីរបស់ខ្លួន។ iPhone XI និង iPhone XI Max ត្រូវបានគេបង្ហើបថានឹងភ្ជាប់មកជាមួយកាមេរ៉ា ៣ គ្រាប់ មាន Lens ធម្មតា, Lens Zoom, និង Lens ពង្រីក។ ចំពោះ iPhone XIR នឹងភ្ជាប់មកជាមួយកាមេរ៉ាភ្លោះ ប៉ុន្តែពុំទាន់ប្រាកដថា Lens ទី២ មានមុខងារអ្វីឡើយ។ ចំណែកឯរូបរាងរបស់ទាំង ៣ វិញ នឹងរក្សានៅដដែល តែមានការបង្កើនល្បឿនឲ្យលឿនជាងមុន ជាមួយឈីប A13 ដែលមានល្បឿនដាច់គេ។
៣. Apple Watch Series 5
នៅចុងឆ្នាំនេះ Apple នឹង ប្រកាសនាឡិកាឆ្លាតវៃរបស់ខ្លួន ដែលអាចនាំមកនូវមុខងារ Reverse Charge ដែលអ្នកអនុញ្ញាតឲ្យអ្នកប្រើ iPhone ស៊េរីថ្មីទាំង ៣ ខាងលើសាក Apple Watch ដោយមិនចាំបាច់ប្រើខ្សែ ហើយក៏អាចមានការកែសម្រួលបន្តិចបន្តួចទៅលើប៊ូតុង មិនតែប៉ុណ្ណោះក៏មានដំណឹងមួយបាន បង្ហាញថា Apple កំពុងធ្វើតេស្ដ Camera នៅលើខ្សែនាឡិកាផងដែរ។
៤. Apple AirPods 3
ជាមួយស៊េរីថ្មីនេះ AirPods 3 អាចនឹងនាំមកនូវពណ៌ថ្មីគឺ ពណ៌ខ្មៅ និងការបង្កើនគុណភាពថ្មនិងសម្លេងជាដើម។
៥. iPad 10,2 និង iPad Pro
នៅឆ្នាំប្រហែលជាមិនមាន iPad 7 ឬ iPad 9.7 (២០១៩) ឡើយ ប៉ុន្តែវាអាចនឹងត្រូវជំនួសដោយ iPad ទំហំ ១០,២ អ៊ីញ។ ចំពោះ iPad Pro វិញ ពុំទាន់មានដំណឹងអ្វីលេចចេញឡើយ។
៦. MacBook Pro ១៦ អ៊ីញ
MacBook ថ្មីស្រឡាងនេះនឹងមានការកែរូបរាងនិងកែលម្អទៅលើ Keyboard ផងដែរ។ គួរបញ្ជាក់ Keyboard ដែលប្រើប្រាស់នៅលើ MacBook សព្វថ្ងៃនេះមានបញ្ហាច្រើននិងតែងតែទទួលបានការរិះគុណពីសំណាក់អ្នកប្រើប្រាស់៕