- 2019-06-14 10:28:46
- ផលិតផលថ្មី
នេះតម្លៃស្មាតហ្វូនកាមេរ៉ា ៦ គ្រាប់ហូតឡើងលើ មានឆ្នាំងសាក 40W(វ៉ាត់)
- 2019-06-14 10:28:46
- ចំនួនមតិ 0 | ចំនួនចែករំលែក 0
នេះតម្លៃស្មាតហ្វូនកាមេរ៉ា ៦ គ្រាប់ហូតឡើងលើ មានឆ្នាំងសាក 40W(វ៉ាត់)
ចន្លោះមិនឃើញ
កាលពីដើមខែវិច្ឆិកាកន្លងទៅ ម៉ាកយីហោ Honor ដែលជាសម្ព័ន្ធជាមួយ Huawei ដែរនោះ បានបញ្ចេញស្មាតហ្វូនម៉ូឌែលថ្មីមួយគឺ Magic 2 ដែលជាប្រភេទស្មាតហ្វូនដែលអាចហូតកាមេរ៉ាឡើងលើបាន បំពាក់កាមេរ៉ាដល់ទៅ ៦គ្រាប់ (៣មុខ និង៣ក្រោយ) ហើយអាចសាកថ្មលឿនជាមួយឆ្នាំងសាក 40W(វ៉ាត់)។
Honor's Magic 2 នេះមានសមត្ថភាពខ្លាំងគ្រាន់បើ ដោយបានបំពាក់មកជាមួយឆ្នាំងសាកថ្មលឿន 40W (វ៉ាត់) ដែលគេហៅថា Magic Charge ។ Honor បានអះអាងថា អាចសាកថ្ម Magic 2 ឡើងដល់ ៥០% នៃកម្លាំង ៣៤០០ មីលីអំពែម៉ោងប្រើពេលត្រឹម ១៥នាទី។
វាមានភ្ជាប់មកជាមួយរន្ធសាកភ្លើង USB-C និងអាចប្រើជារន្ធសំឡេង audio port ហើយបានដករន្ធ 3.5mm ចេញ។
Magic 2 បំពាក់អេក្រង់ប្រភេទ OLED ទំហំ ៦,៤អ៊ីញជាមួយកម្រិត Full HD+ ក្រាលដោយកញ្ចក់ ការពារកម្រិត2.5D។Magic 2 គ្មាន notch ទេ ប៉ុន្តែក្រុមហ៊ុននៅតែអាចឌីហ្សាញឲ្យគែមទូរសព្ទមានកម្រាស់ស្ដើងបាន ដោយបង្កប់កាមេរ៉ាមុខ ៣គ្រាប់នៅកន្លែងសម្ងាត់ ដោយមានកុងតាក់សម្រាប់រុញឡើងបាន។
ប្រព័ន្ធកាមេរ៉ាលើ Magic 2 មានទំហំ និងមុខងារខុសៗគ្នា ដោយកាមេរ៉ាគោលទំហំ ១៦មេហ្គាមួយគ្រាប់ទៀតទំហំ ២៤មេហ្គាភិចសែលសម្រាប់ការថតបែប (Black & White monochrome sensor ជាមួយនឹងមួយគ្រាប់ទៀតទំហំ ១៦មេហ្គាភិចសែល ជាឡេន ultra wide-angle។
ចំពោះវីដេអូថតបាន កម្រិត4K ជាមួយនឹងមុខងារ super slow motion មានដល់ 480 fps 720p។
Honor Magic 2 ប្រើបន្ទះឈីប Kirin ជំនាន់ចុងក្រោយ Kirin 980 ហើយភ្ជាប់ដោយ RAM ២ទំហំអាចជ្រើសរើសបានគឺ 6GB ឬ 8GB មានមេម៉ូរី ១២៨GB និង ២៥៦GB តែ Honor បានដករន្ធដោត microSD ចោល។
Magic 2 មានបង្កប់មុខងារឆ្លាតវៃជាច្រើនដូចជា Yoyo ជាមុខងារ Virtual Assistant ដែលផ្ដល់ប្រតិបត្តិការឆ្លាតវៃ all-in-one smart-living និង mind-reading ហើយនិងមុខងារ machine learning ជាដើម។
ចំពោះតម្លៃគឺ RAM 6GB/មេម៉ូរី 128GB តម្លៃ ៥៤៥ ដុល្លារ ឯម៉ូដែល RAM 8B/ មេម៉ូរី 256GB តម្លៃ ៦៩0 ដុល្លារ។ ចំណែកម៉ូឌែល RAM 8GB មេម៉ូរី 512GB មានមុខងារថត 3D សេនស័រ តម្លៃខ្ទង់ *៨៣០ ដុល្លារ( តម្លៃចេញលក់ដំបូងកាលពីចុងឆ្នាំ ២០១៨)៕
អានអត្ថបទបន្ត៖