បើកវាំងនន មើលខាងក្នុងជីវិតព្រះនាងតូចរបស់សហព័ន្ធយក្ស Huawei

2019-06-07 03:00:00
ព័ត៌មាន

2019-06-07 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈក្រុមហ៊ុនរបស់ឪពុកកំពុងជួបរកាំរកូសនឹងប្រទេសក្រៅនោះ ជីវិតរបស់ព្រះនាងតូចរបស់ក្រុមហ៊ុនយក្សចិន Huawei នាង Annabelle Yao ហាក់គ្មានអ្វីផ្លាស់ប្ដូរនោះឡើយ។ នៅពេលបច្ចុប្បន្ន ក្រុមហ៊ុនផលិតបរិក្ខាបច្ចេកវិទ្យាយក្សចិនកំពុងទទួលបានចំណាប់អារម្មណ៍ជាច្រើននៅពេលក្រុមហ៊ុននេះមានបញ្ហាជាមួយសហរដ្ឋអាមេរិក។ ទន្ទឹមនឹងនោះ សមាជិករបស់សហព័ន្ធនេះក៏ត្រូវបានចាប់អារម្មណ៍មិនស្ទើរដែរ។

គួរបញ្ជាក់ផងដែរថា ស្ថាបនិកក្រុមហ៊ុននេះ លោក Ren Zheng Fei មានប្រពន្ធ២ ដោយជាមួយប្រពន្ធទី១ អ្នកទាំង២មានកូន២នាក់គឺលោកស្រី Meng Wanzhou និង Ren Ping។ រីឯជាមួយប្រពន្ធទី២ អ្នកទាំង២មានកូនតែ១នាក់គត់ គឺនាង Annabelle Yao ដែលត្រូវបានគេចាត់ទុកដូចជាព្រះនាងតូចរបស់ Huawei។ Annabelle នៅឆ្នាំនេះមានអាយុ២១ឆ្នាំ និងកំពុងសិក្សានៅសកលវិទ្យាល័យ Harward សហរដ្ឋអាមេរិក។ នាងត្រូវបានគេវាយតម្លៃថាជាសិស្សឆ្នើម និងស្រលាញ់ការរាំបាឡេ និងច្នៃសម្លៀកបំពាក់។ នៅក្នុងចំណោមក្រុមមិត្តភ័ក្ដិអ្នកមានរបស់ខ្លួន បណ្ដាញព័ត៌មានបានឲ្យដឹងថា គ្រួសាររបស់ Annabelle គឺជាអ្នកមានជាងគេ។

យ៉ាងណាក៏ដោយ យោងតាមបណ្ដាញព័ត៌មានក្នុងស្រុក ទោះបីជាមានងារជាព្រះនាងតូចរបស់ Huawei ក៏ដោយ តែ Annabelle ហាក់មិនមានចំណាប់អារម្មណ៍នឹងបន្តមរតកនៃត្រកូលរបស់ខ្លួនឡើយ ដោយនាងចង់មានជំនួញរបស់ខ្លួនឯងច្រើនជាង៕