• 2019-05-13 05:10:00
  • ព័ត៌មាន

​មក​មើល​យន្តហោះ​ផ្ទាល់​ខ្លួន​ Jack Ma តម្លៃ​​ជាង​ ៤០​ លាន​ដុល្លារ​

  • 2019-05-13 05:10:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុង​នាម​ជា​​ម្ចាស់​ក្រុមហ៊ុន​លក់​ទំនិញ​អនឡាញ​ Alibaba និង​ ជា​មហាសេដ្ឋី​លំដាប់​ទី​ពីរ​របស់​ប្រទេស​ចិន​ លោក​ Jack Ma មាន​ប្រើ​ប្រាស់​នូវ​វត្ថុ​មាន​តម្លៃ​ថ្លៃ​ៗ​ជា​ច្រើន។ ជាក់​ស្ដែង​ដូច​ជា​យន្តហោះ​ឯកជន​ម៉ូដែល​ Gulfstream G550 ដែល​មាន​តម្លៃ​ថ្លៃ​​ដល់​ទៅ​ជាង​ ៤០​ លាន​ដុល្លារ។

d_g550_a_print_038_1300_580_70

​ព្រោះ​តែ​មាន​តម្លៃ​ថ្លៃ​ ​ទើប​ធ្វើ​ឲ្យ​យន្តហោះ​នេះ​មាន​លក្ខណៈ​ពិសេសៗ​ជា​ច្រើន​ ដូច​ជា​អាច​ហោះ​ហើរ​ដោយ​មិន​ឈប់​បាន​ចម្ងាយ​ ១២ ៥០១ គ.ម​ នៅ​រយៈ​កម្ពស់​អតិបរមា​ ១៥ ៥៤៥​ ម៉ែត្រ និង​ល្បឿន​អតិបរមា​ ១០៩២គ.ម/ម៉។ G550 អាច​​ផ្ទុក​​អ្នក​ដំណើរ​បាន​​ដល់​ទៅ​ ១៩​ នាក់​ ដោយ​មាន​កន្លែង​​គេង​គ្រប់​គ្រាន់​​​សម្រាប់​មនុស្ស​ចំនួន​ ៨​ នាក់។

g550_3_1300_575_70

នៅ​លើ​យន្តហោះ​នេះ​អ្នក​ដំណើរ​អាច​បំពេញ​កិច្ចការ​របស់​ពួក​គេ​បាន​ ដោយ​វា​​មាន​ប្រព័ន្ធ​ Network ឥត​ខ្សែ, ទូរសព្ទ​ប្រើ​ប្រព័ន្ធ​ផ្កាយ​រណប, ម៉ាស៊ីន​ Fax និង​​មាន​ម៉ាស៊ីន​សម្រាប់​ព្រីន​ថែម​ទៀត​ផង។ លើស​ពី​នេះ​ក៏​មាន​បន្ទប់​ងូត​ទឹក, បន្ទប់​ប្រជុំ​, បន្ទប់​ទទួល​ទាន​អាហារ និង​មាន​ជា​​កន្លែង​សម្រាប់​ក្រុម​ការងារ​លើ​យន្តហោះ​សម្រាក​ផង​ដែរ។

g550_interior_1_1300_580_1300_580_70 g550_interior_4_1300_580_1300_580_70 g550_interior_5_1300_580_1300_580_70 g550_interior_6_1300_580_1300_580_70

​​​​និយាយ​ពី​ទំហំ​​សរុប​របស់​យន្តហោះ​នេះ​គឺ​មាន​ទទឹង​ ២៨,៥​ ម៉ែត្រ (គិត​ទាំង​ស្លាប),​ បណ្ដោយ​ ២៩,៤​ ម៉ែត្រ និង​ ​កម្ពស់​ ៧,៩​ ម៉ែត្រ។ បើ​គិត​ពី​ទំហំ​ផ្នែក​ខាង​ក្នុង​វិញ​​មាន​​ទទឹង​ ២,២៥​ ម៉ែត្រ,​ បណ្ដោយ​ ១៣,១​ ម៉ែត្រ និង​ ​កម្ពស់​ ១,៨៨​ ម៉ែត្រ៕​ ​​

ប្រភព៖ Gulfstream, SCMP

អត្ថបទ៖ សុខហេង

មតិយោបល់