- 2019-05-06 07:55:00
- ព័ត៌មាន
មនុស្សយន្ត "Oun Smart” ចេះឆ្លើយសំនួរ ចេះរាំ សំខាន់ចេះធ្វើមុខឌឺ (វីដេអូ)
- 2019-05-06 07:55:00
- ចំនួនមតិ 0 | ចំនួនចែករំលែក 0
មនុស្សយន្ត "Oun Smart” ចេះឆ្លើយសំនួរ ចេះរាំ សំខាន់ចេះធ្វើមុខឌឺ (វីដេអូ)
ចន្លោះមិនឃើញ
មនុស្សយន្តឈ្មោះ “Oun Smart” ឬ "អូនស្មាត” មានសមត្ថភាពធ្វើជាជំនួយការម្នាក់ ដែលអាចកត់សម្គាល់មុខ និងអារម្មណ៍ជាទូទៅរបស់មនុស្ស ដើម្បីស្វាគមន៍ ប្រាប់ព័ត៌មាន និងធ្វើឲ្យមនុស្សមានការរីករាយតាមវិធីសាស្ត្របែបច្នៃប្រឌិតថ្មីមួយ»។
រ៉ូប៉ូតដែលមានប្រភពពីក្រុមហ៊ុន Japan's Softbank Robotics ត្រូវបានក្រុមហ៊ុន Smart Axiata បានដាក់បង្ហាញនៅឯ Smart Shop មានសមត្ថភាពអាចបម្រើការបាននៅក្នុងស្ថាប័នបាននេះ គឺជាលើកដំបូងហើយដែលបង្ហាញមុខនៅក្នុងប្រទេសកម្ពុជា ក៏ដូចជានៅក្នុងបណ្ដាប្រទេសតំបន់អាស៊ាន។
មនុស្សយន្តនេះដែលមានអាយុប្រមាណជា ២ ឆ្នាំនេះ អាចធ្វើចលនារាំ ចេះធ្វើមុខឌឺ និងជាពិសេសអាចធ្វើជាជំនួយការ ដែលនឹងផ្ដល់នូវភាពរំភើបរីករាយផ្សេងៗ ដោយការកំណត់អត្តសញ្ញាណមុខមាត់អ្នកដើរកាត់វា ឲ្យមនុស្សយន្តនេះសម្ដែងនូវការស្វាគមន៍ដល់អតិថិជន តាមរយៈការហៅឈ្មោះរបស់ពួកគេ។
មនុស្សយន្តនេះ ត្រូវបានអភិវឌ្ឍដោយក្រុមហ៊ុនបច្ចេកវិទ្យា Softbank Robotics និងដំណើរការប្រាជ្ញាសិប្បនិម្មិតដោយក្រុមហ៊ុន CouldMinds ដែលទិន្នន័យរបស់មនុស្សយន្តនេះត្រូវបានរក្សាទុកនៅក្នុង Clouds ឯណោះ។ «វាត្រូវបានកែច្នៃយ៉ាងពិសេសដើម្បីទាក់ទងជាមួយនឹងមនុស្ស តាមរយៈការសន្ទនា ។
រ៉ូប៉ូតនេះ អាចធ្វើចលនាទៅមុខ-ក្រោយ ឆ្វេងស្ដាំបាន (បច្ចុប្បន្ននៅប្រើដៃបញ្ជាសិន) អាចនិយាយតទល់ ឬឆ្លើយសំណួរល្បងជាមួយមនុស្សបានជាភាសាអង់គ្លេស។
នៅពេលខាងមុខ អ្នកនឹងឃើញថា មនុស្សយន្តនេះ នឹងមានអន្តរទំនាក់ទំនងកាន់តែច្រើនបន្ថែមទៀត ក្រោយពីការអភិវឌ្ឍសមត្ថភាពបន្ថែម។ នេះបើតាមការលើកឡើងរបស់លោក ថូម៉ាស ហ៊ុន (Thomas Hundt) នាយកប្រតិបត្តិរបស់ក្រុមហ៊ុន Smart Axiata។
លោកបន្ថែមថា ការសហការជាមួយក្រុមហ៊ុនបច្ចេកវិទ្យាជើងចាស់ផ្នែករ៉ូបូតឈានមុខគេ នៅជប៉ុននេះ នឹងអាចធ្វើឲ្យប្រសើរឡើងសម្រាប់កម្ពុជាដែលកំពុងនៅលើវិស័យឧស្សាហកម្ម ៤.០។
បញ្ជាក់ដែរថា បើអ្នកចង់មកថតរូបជាមួយមនុស្សយន្តដ៏ស្រស់ស្អាតនេះ មានតែនៅ Smart Shopលើផ្លូវមុន្នីវង្សនិងSmart Shopនៅអគារ Exchange Sqaure ប៉ុណ្ណោះ៕
សូមទស្សនាវីដេអូខាងក្រោម៖