- 2019-04-18 06:33:58
- ព័ត៌មាន
គូស្នេហ៍បរទេស ជួលមនុស្សយន្តថតរូបរៀបការឲ្យ
- 2019-04-18 06:33:58
- ចំនួនមតិ 0 | ចំនួនចែករំលែក 0
គូស្នេហ៍បរទេស ជួលមនុស្សយន្តថតរូបរៀបការឲ្យ
ចន្លោះមិនឃើញ
មនុស្សយន្ត Eva ដើរដោយបច្ចេកវិទ្យា AI បានចាប់ផ្ដើមការងារដំបូងរបស់ខ្លួន ដោយត្រូវបានគេជួលឲ្យថតរូបក្នុងកម្មវិធីអាពាហ៍ពិពាហ៍មួយក្នុងចក្រភពអង់គ្លេស។
ទស្សនាវដ្ដី Bride បានចុះផ្សាយថា Eva ត្រូវបានជួលដោយគូស្នេហ៍ឈ្មោះ Gary និង Megan សម្រាប់ពិធីជ័យមង្គលដែលធ្វើឡើងកាលពីថ្ងៃទី ៧ ខែមេសាកន្លងទៅនេះ។ មនុស្សយន្តនេះបង្កើតឡើងដោយក្រុមហ៊ុនអង់គ្លេស Service Robots ដែលបានដាក់ដំណើរការនៅខែកុម្ភៈ ឆ្នាំ ២០១៩។
Eva គឺជាមនុស្សយន្តពិសេសមួយ ដោយអាចឲ្យភ្ញៀវដែលចូលរួមជ្រើសរើសស្ទីលថតរូបជាច្រើនប្រភេទ តាមរយៈអេក្រង់ទំហំ ២៣,៨ អ៊ីញ មុនចាប់ផ្ដើមការថតរូប។ រូបភាពដែលថតហើយ អាចផ្ដិតចេញភ្លាមៗតាមម៉ាស៊ីនដែលស្ថិតនៅកន្លែងប្រារព្ធពិធី ឬ អាចចែករំលែកតាមបណ្ដាញទំនាក់ទំនងសង្គមបាន។
ក្រៅពីបានជួលមនុស្សយន្តនេះ គូស្នេហ៍ខាងលើក៏បានជួលអ្នកថតរូបជំនាញបន្ថែមពីលើហ្នឹងផងដែរ។ ដូចនេះអ្នកមានអាជីពថតរូបតាមកម្មវិធីអាពាហ៍ពិពាហ៍កុំទាន់ព្រួយបារម្ភអី៕
ចុចអាន៖
