- 2019-03-09 04:00:41
- ព័ត៌មាន
ផ្ទុះមួយក្ឌាំង មិនស្មានហ្គេម Pokémon GO រកលុយបានច្រើន ពាន់លានដុល្លារថ្នាក់នេះ
- 2019-03-09 04:00:41
- ចំនួនមតិ 0 | ចំនួនចែករំលែក 0
ផ្ទុះមួយក្ឌាំង មិនស្មានហ្គេម Pokémon GO រកលុយបានច្រើន ពាន់លានដុល្លារថ្នាក់នេះ
ចន្លោះមិនឃើញ
អ្នកលេងហ្គេមលើទូរសព្ទនៅជុំវិញពិភពលោក បានចំណាយលុយរហូត ២,៥ ពាន់លានដុល្លារ លើហ្គេមត្រកូល “Pokémon”។ នេះបើតាមទិន្នន័យថ្មីទទួលបានពីក្រុមហ៊ុនវិភាគ Sensor Tower។
តួលេខនៃការចំណាយនេះបានមកពីហ្គេម “Pokémon” ចំនួន ៦ ក្នុងនោះរួមមាន Pokémon GO, Pokémon Shuffle, Pokémon Duel, Pokémon Quest, Pokémon: Magikarp Jump និង Pokémon TCG Online។ Pokémon GO ដែលចេញនៅឆ្នាំ ២០១៦ អាចរកចំណូលបានច្រើនគេ ពោលរហូតដល់ ២,៤៥ ពាន់លានដុល្លារឯណោះ។ បន្ទាប់មកគឺហ្គេម Pokémon Shuffle ចេញនៅឆ្នាំ ២០១៥ ដែលរកចំណូលបានប្រមាណ ២៥ លានដុល្លារ។
ប្រទេសដែលចំណាយច្រើនជាងគេលើហ្គេម “Pokémon” គឺសហរដ្ឋអាមេរិក ដែលផ្ដល់ចំណូលឲ្យក្រុមហ៊ុនផលិតហ្គេម Niantic និង The Pokémon Company រហូតដល់ប្រមាណ ៨៧៥ លានដុល្លារ ឬស្មើនឹង ៣៥% នៃតួលេខសរុប។ លេខពីរគឺបានទៅលើប្រទេសជប៉ុន ដែលចំណាយប្រមាណ ៧២៥ លានដុល្លារ។
ចាប់តាំងពីឆ្នាំ ២០១៤ ដល់បច្ចុប្បន្ននេះ ហ្គេម “Pokémon” ត្រូវបានគេទាញយកចំនួន ៦៤០ លាននាក់ ដោយក្នុងនោះ Pokémon GO មានគេទាញយក ៥៥០ លានដងឯណោះ។ ហ្គេម Pokémon Duel នៅចំណាត់ថ្នាក់លេខពីរ មានអ្នកទាញយក ៣៩ លាននាក់៕
