អ្នកជំនាញ Hack កុំព្យូទ័រមួយគ្រឿងឲ្យមើលស្តែងៗ ឡើងស្លុតអារម្មណ៍!

2019-03-08 01:00:00
ព័ត៌មាន

2019-03-08 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក អ៊ូ ផាន់ណារិទ្ធ ដែលគេស្គាល់ជាអ្នកជំនាញផ្នែកសុវត្ថិភាពលើប្រព័ន្ធអ៊ីនធឺណិត បានយកកុំព្យូទ័ររងគ្រោះមួយគ្រឿងមក hack ឲ្យមើលស្តែងៗក្នុងកម្មវិធី Tech Startup កន្លងទៅ ដើម្បីពញ្ញាក់អារម្មណ៍ការស្វែងយល់ពីភាពងាយរងគ្រោះការវាយប្រហាររបស់ឧក្រិដ្ឋជន។

អ្នកជំនាញផ្នែកសន្តិសុខបានលើកឡើងថា សន្តិសុខបច្ចេកវិទ្យាដូចជាជំងឺដែលត្រូវការថ្នាំព្យាបាលជាប្រចាំ។

នៅក្នុងរបាយការណ៍ដែលមានចំណងជើងថា "ផលប៉ះពាល់ផ្នែកសេដ្ឋកិច្ចនៃឧក្រិដ្ឋកម្មតាមអ៊ីនធឺណិត ដែលរៀបចំឡើងដោយក្រុមហ៊ុនសន្តិសុខ McAfee និងមជ្ឈមណ្ឌលសិក្សាយុទ្ធសាស្ត្រអន្តរជាតិ (CSIS) បង្ហាញថា ឧក្រិដ្ឋកម្មអ៊ីនធឺណិតធ្វើឲ្យខាតបង់ទឹកប្រាក់ចន្លោះពី ៤៥០ ប៊ីលានដុល្លារ ដល់ ៦០០ ប៊ីលានដុល្លារក្នុងឆ្នាំ 2017។

បទល្មើសបច្ចេកវិទ្យាគឺជាការគំរាមកំហែងដ៏ធំបំផុតរបស់ពិភពលោក និងជាបញ្ហាធំបំផុតមួយរបស់មនុស្សជាតិ។

ទស្សនាការវីដេអូទាំងអស់គ្នា៖

ឧក្រិដ្ឋកម្មអ៊ីនធឺណិតអាចកើតឡើងគ្រប់ពេល ហើយគ្រប់ស្ថាប័នទាំងអស់អាចក្លាយជាគោលដៅនៃការវាយប្រហារ។ បើតាមសមាគមបច្ចេកវិទ្យាទូរគមនាគមន៍កម្ពុជា អាជីវកម្មក្នុងប្រទេសកម្ពុជាមិនដល់ ៥ ភាគរយគិតគូរប្រព័ន្ធសន្តិសុខ។

លោក Steven Path ប្រធានសមាគម ICT លើកឡើងថា បញ្ហា Cyber Security ជារឿងធ្ងន់ធ្ងរ។ ម្ចាស់អាជីវកម្មមួយភាគធំមិនសូវខ្វាយខ្វល់ ដោយសារពួកគេបារម្ភពីការចំណាយ។ បន្ថែមការព្រួយបារម្ភ លោកបានដាស់តឿនដល់ម្ចាស់អាជីវកម្មត្រូវគិតគូរឡើងវិញលើប្រព័ន្ធសុវត្ថិភាព ដើម្បីបញ្ចៀសការខូចខាតមើលមិនឃើញ ដែលមិនត្រឹមខាតបង់ដល់ម្ចាស់អាជីវកម្មបាត់បង់ទំនុកចិត្តដល់អតិថិជន វាក៏ពាក់ព័ន្ធសន្តិសុខជាតិទាំងមូល៕

អានអត្ថបទបន្ទាប់៖

អត្ថបទ៖ ប៊ុណ្ណារ៉ា