- 2019-03-06 06:10:00
- ព័ត៌មាន
រថយន្តស៊េរីទំនើបថ្មីមួយទៀតរបស់រៀតណាម លេចមុខនៅស្វីស
- 2019-03-06 06:10:00
- ចំនួនមតិ 0 | ចំនួនចែករំលែក 0
រថយន្តស៊េរីទំនើបថ្មីមួយទៀតរបស់រៀតណាម លេចមុខនៅស្វីស
ចន្លោះមិនឃើញ
ក្រុមហ៊ុន VinFast នឹងបានបង្ហាញរថយន្តម៉ូដែល Lux SUV កម្លាំងម៉ាស៊ីនថ្មី ជាផ្លូវការ នៅក្នុងពិព័រណ៍យានយន្តប្រចាំឆ្នាំ២០១៩ នៅទីក្រុងហ្សឺណែវ ប្រទេសស្វីស ដែលធ្វើឡើងចាប់ពីថ្ងៃទី៧ ដល់ ១៧ ខែមីនា ឆ្នាំ២០១៩។
នេះមិនមែនជាលើកទី១ទេ តែក្រុមហ៊ុនវៀតណាមនេះ បានធ្វើការបង្ហាញរថយន្តរបស់ខ្លួន នៅអឺរ៉ុប។ កាលពីខែតុលា ឆ្នាំ២០១៨ ក្រុមហ៊ុននេះ បានបង្ហាញរថយន្តចំនួន ២ម៉ូដែល នៅក្នុងពិព័រណ៍យានយន្តនៅក្រុងប៉ារីស ប្រទេសបារាំង។
VinFast Lux SUV ម៉ូដែលថ្មីនេះ ត្រូវបានអភិវឌ្ឍបន្ថែមពី VinFast Lux SUV SA2.0 ដែលត្រូវបានប្រកាសបង្ហាញកាលពីពេលកន្លងទៅ។ Lux SUV ថ្មី ត្រូវបានបំពាក់ម៉ាស៊ីន ៦,២លីត្រ V8 ដោយមានការរចនាផ្នែកខាងក្នុង និងខាងក្រៅ ខុសប្លែកពីម៉ូដែលមុន។ ជាមួយកម្លាំង ៤៥៥សេះ VinFast Lux V8 អាចស្ទុះដល់ ៣០០គីឡូម៉ែត្រក្នុងមួយម៉ោង។
VinFast Lux V8 ជាប្រភេទ Limited Edition និងមានលក់នៅក្នុងឆ្នាំ២០២០៕
អានអត្ថបទទាក់ទង៖
