- 2019-02-14 01:35:00
- ព័ត៌មាន
ក្មេងប្រុសវ័យ ១៩ ឆ្នាំច្នៃបានដៃមនុស្សយន្តសិប្បនិមិត្ត បង្កើតចេញពីបំណែក Lego
- 2019-02-14 01:35:00
- ចំនួនមតិ 0 | ចំនួនចែករំលែក 0
ក្មេងប្រុសវ័យ ១៩ ឆ្នាំច្នៃបានដៃមនុស្សយន្តសិប្បនិមិត្ត បង្កើតចេញពីបំណែក Lego
ចន្លោះមិនឃើញ
បុរសវ័យជំទង់ David Aguilar បានបង្កើតដៃមនុស្សយន្តសិប្បនិមិត្ត ក្រោយខូចចិត្តត្រង់ខ្លួនពិការតាំងពីនៅកុមារភាព។ ជាការបំផុសគំនិតនិងលើកទឹកចិត្តដល់ក្មេងប្រុសវ័យ ១៩ ឆ្នាំ សិក្សានៅមហាវិទ្យាល័យ Internacional de Catalunya ក្នុងប្រទេសអេស្ប៉ាញ ចាប់យកបំណែកនៃជ័រ Lego មកបង្កើតចេញជាដៃមនុស្សយន្តសម្រាប់ប្រើប្រាស់ផ្ទាល់ខ្លួននៅផ្នែកខាងស្តាំ។
ទល់បច្ចុប្បន្ន Aguilar បង្កើតបានដៃជំនាន់ទី ៤ ហើយ ដោយវិវត្តត្រង់ការរចនាពណ៌ថ្មី និងសមត្ថភាពនៃការធ្វើចលនាបានប្រសើរជាងជំនាន់មុន។ បញ្ជាក់ប្រាប់ Reuters រូបគេប្រាប់ថា៖ "កាលពីនៅក្មេងខ្ញុំពិតជាភ័យព្រួយនឹងការប្រឈមចំពោះមុខអ្នកដទៃ ព្រោះមានកាយសម្បទាខុសពីគេ ប៉ុន្តែវាពុំបានបញ្ឈប់ខ្ញុំក្នុងការជឿជាក់លើក្តីស្រមៃឡើយ"។
Aguilar បន្តថា៖ "ខ្ញុំពិតជាចង់ឃើញខ្លួនឯងក្នុងកញ្ចក់ដូចទៅនឹងមនុស្សឯទៀត ដោយមានដៃទាំងពីរ"។ សម្រាប់ដៃសិប្បនិមិត្តម៉ូឌែលក្រោយនេះ គឺច្នៃប្រឌិតតាមវីរបុរសតួអង្គ Iron Man និងឈុត MK។
សព្វថ្ងៃមានគណនីលើ YouTube ផ្ទាល់ខ្លួន ឲ្យរហ័សនាម "Hand Solo" ក្នុងគោលដៅបង្ហាញឲ្យអ្នករាល់គ្នាឃើញថាគ្មានអ្វីដែលមិនអាចកើតឡើង និងភាពពិការក៏មិនអាចបញ្ឈប់ពួកគេបានដែរ។ បន្ទាប់ពីបញ្ចប់ការសិក្សានៅមហាវិទ្យាល័យ ខ្លួនចង់បង្កើតដំណោះស្រាយសមរម្យមួយសម្រាប់មនុស្សដែលមានតម្រូវការបញ្ហាទាំងនេះ។
លោកបញ្ចប់ថា៖ "ខ្ញុំនឹងព្យាយាមផ្តល់ឲ្យពួកគេទទួលបានរបស់ជំនួស កុំថាឡើយទោះត្រូវផ្តល់ជូនឥតគិតថ្លៃ ដើម្បីឲ្យពួកគេមានអារម្មណ៍ដូចទៅនឹងមនុស្សឯទៀត"។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
