មតិអ្នកប្រើប្រាស់ iPhone X/XS ជាច្រើនរំអុកឲ្យ Apple ដកប៊ូតុងមួយចេញពីផ្ទៃ Lock Screen

2019-02-06 07:58:09
ព័ត៌មាន

2019-02-06 07:58:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនអ្នកកំពុងកាន់ប្រើ iPhone X ឬ iPhone XS នោះប្រាកដជាធ្លាប់ជួប ដោយពេលខ្លះទូរសព្ទលោតភ្លើង LED Flashlight ឯកឯងដោយគ្មានការបញ្ជាពីអ្នកផ្ទាល់។ មតិអ្នកប្រើប្រាស់ជាច្រើនរយនាក់ហាក់មានការមិនពេញចិត្ត នឹងបង្ហាញការយល់ឃើញថា Apple គួរតែដកប៊ូតុងនេះចេញពីផ្ទៃ Lockscreen។

បញ្ហាដែលប្រឈមខ្លាំងបំផុត ប្រសិនណាភ្លើង Flashlight បើកចោលដោយឯកឯង នោះនឹងធ្វើឲ្យថាមពលថ្មស្រកដូចទឹកទាំងពុំបានចុចប្រើប្រាស់។ ដើមហេតុកើតត្រង់ថាអំឡុងពេលអ្នកដាក់ទូរសព្ទក្នុងហោប៉ៅឬកាបូបហើយអេក្រង់ប៉ះទង្គិចទៅរបស់អ្វីមួយ នោះអេក្រង់នឹងបើកដោយស្វ័យប្រវត្តិ ជាហេតុធ្វើឲ្យទីតាំងប៊ូតុង Flashlight ត្រូវដំណើរការចោលក្នុងកាលៈទេសៈចៃដន្យណាមួយ។

ចំណុចនេះមានការណែនាំឲ្យម្ចាស់ iPhone X/iPhone XS យល់ល្អសូមធ្វើការបិទមុខងារ Tap to Wake ។ អ្នកប្រើប្រាស់មួយរូបបញ្ជាក់ថា៖ "អ្វីដែលបានកើតឡើងគឺត្រង់ថាទូរសព្ទរបស់អ្នកនឹងត្រូវប៉ះទង្គិចចុះឡើងអំឡុងពេលអ្នកថ្មើរជើង ជាហេតុធ្វើឲ្យអេក្រង់ដំណើរការធម្មតា បែបនេះគួរបិទមុខងារ Tap to Wake ដើម្បីដោះស្រាយបញ្ហានេះ ដោយមិនចាំបាច់មានការដកចោលប៊ូតុង Flashlight"។

ដើម្បីបិទមុខងារ Tap to Wake សូមចូលទៅកាន់ Settings > General > Accessibility > Turn off Tap to Wake ជាការស្រេច។