- 2019-01-12 02:48:43
- ព័ត៌មាន
Apple ថែមកាមេរ៉ាមួយគ្រាប់ទៀតដើម្បីបង្កើនការលក់ iPhone
- 2019-01-12 02:48:43
- ចំនួនមតិ 0 | ចំនួនចែករំលែក 0
Apple ថែមកាមេរ៉ាមួយគ្រាប់ទៀតដើម្បីបង្កើនការលក់ iPhone
ចន្លោះមិនឃើញ
ទស្សនាវដ្ដី Wall Street Journal បានចេញផ្សាយថានៅឆ្នាំ ២០១៩ នេះ Apple នឹងបញ្ចេញ iPhone ស៊េរីថ្មីចំនួនបីម៉ូដែលដើម្បីមកជំនួស iPhone XR,XS និង XS Max។
iPhone ថ្មីទាំងបីនឹងមានមួយម៉ូដែលស៊េរីខ្ពស់ជាងគេមានបំពាក់កាមេរ៉ាក្រោយរហូតដល់ ៣ គ្រាប់ ចំណែកពីរម៉ូដែលទៀតមានកាមេរ៉ាពីរគ្រាប់។ WSJ មិនបានបញ្ជាក់អំពីលក្ខណៈសម្បត្តិរបស់កាមេរ៉ាទាំងបីគ្រាប់នោះទេ ប៉ុន្តែគេរំពឹងថានឹងមានកាមេរ៉ាប្រភេទ Ultra-Wide ដែលអាចថតបានទូលាយដូច GoPro។
Apple ក៏ពិចារណាឈប់ប្រើអេក្រង់ LCD លើម៉ូដែល iPhone XR ជំនាន់ថ្មី ដោយជំនួសមកវិញនូវអេក្រង់ OLED។ គួរបញ្ជាក់ថាខណៈពេលនេះផលិតផលសម្រេចនៃ iPhone ជំនាន់ថ្មីមិនទាន់ដល់ដំណាក់កាលបញ្ចប់នៅឡើយទេ ហេតុនេះអាចមានការប្រែប្រួលខ្លះៗនៅពេលខាងមុខ៕