កាលពីខែសីហាកន្លងទៅនេះ Samsung បានសន្យានឹងអ្នកប្រើប្រាស់ខ្លួនរួចមកហើយថាខ្លួននឹងចេញ ឧបករណ៍បំពងសំឡេងឆ្លាតវៃផ្ទាល់ខ្លួនដែលប្រើជំនួយការនិមិត្ត (Personal AI) Bixby របស់ខ្លួន ដើម្បីចេញមកប្រជែងក្នុងទីផ្សារឧបករណ៍បំពងសំឡេងឆ្លាតវៃនេះ ដោយសព្វថ្ងៃមានដូចជា Amazon Echo Plus និង Apple HomePod ជាដើម។ ទោះបីជា ឧបករណ៍បំពងសំឡេងឆ្លាតវៃដែលប្រើ Bixby នោះមិនទាន់ចេញលក់នៅលើទីផ្សារក៏ដោយ តែបើតាមក្រុមហ៊ុន SamMobile បានប្រាប់ថា តាមរយៈប្រភពអាថ៌កំបាំងមួយ Samsung កំពុងផលិតឧបករណ៍បំពងសំឡេងឆ្លាតវៃមួយប្រភេទទៀត មានពណ៌ខ្មៅ ជាឧបករណ៍បំពងសំឡេងឆ្លាតវៃមានតម្លៃសមរម្យសម្រាប់អ្នកគ្រប់គ្នា។

តាមរយៈប្រភពនោះបានលើកឡើងថា ឧបករណ៍បំពងសំឡេងឆ្លាតវៃ Bixby ដែលមានតម្លៃថោកនោះ មានលេខកូដសម្គាល់ SM-V510 ដែលមានក្បាលកូដដូចគ្នាទៅនឹងស្រឡាយឧបករណ៍បំពងសំឡេងឆ្លាតវៃ ដែល Samsung ប្រុងនឹងចេញលក់។ បើតាមមើលទៅ ឧបករណ៍បំពងសំឡេងឆ្លាតវៃប្រើ Bixby ដែលមានតម្លៃថោកនេះ មានមុខងារតិចជាង Galaxy Home ដែលជាឧបករណ៍បំពងសំឡេងឆ្លាតវៃប្រើ Bixby ដូចគ្នា ចេញមកប្រជែងនឹងឧបករណ៍បំពងសំឡេងឆ្លាតវៃរបស់ Amazon, Google និង Apple។

ក្រុមហ៊ុន Samsung បាននិយាយពីការបញ្ចេញឧបករណ៍បំពងសំឡេងឆ្លាតវៃនេះតិចតួចបំផុត ចាប់តាំងពីខែសីហាមក ហើយមិនបានចេញមុខបកស្រាយដល់ដៃគូរបស់ខ្លួនឡើយ។ ប៉ុន្តែ ដោយព្រឺត្តិការណ៍តាំងពិព័រណ៍គ្រឿងអេឡិចត្រូនិក CES ឆ្នាំ ២០១៩ កាន់តែខិតចូលមកដល់ហើយ Samsung នឹងមានវត្តមាននៅទីនោះដែរនោះ វាច្បាស់ណាស់ដែលក្រុមហ៊ុនយក្សរបស់កូរ៉េខាងត្បួងមួយនេះ អាចនឹងបញ្ចេញផលិតផលថ្មីរបស់ខ្លួនដូចជា ឧបករណ៍បំពងសំឡេងឆ្លាតវៃ Galaxy Home និង ឧបករណ៍បំពងសំឡេងឆ្លាតវៃប្រើ Bixby តម្លៃថោកជាដើម។

ចុចអាន៖

• ទូរសព្ទ​ Nokia ​កាមេរ៉ា ៥ គ្រាប់​នឹង​លេច​មុខ​នៅ​ខែ​មករា​ ឆ្នាំ ២០១៩
• ឡាន ពូទីន នឹង​ត្រូវ​ផលិត​​ច្រើន​គ្រឿង​ លក់ឲ្យប្រជាជន​ទូទៅ