អ្នកប្រើ Metfone កាន់ទូរសព្ទទៅភ្ជាប់ eSIM បានភ្លាមៗ ងាយដូចបកចេក!

2018-12-25 04:46:00
ព័ត៌មាន

2018-12-25 04:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

eSIM គឺជាស៊ីមគ្មានរូបរាង ដែលអនុញ្ញាតឲ្យអតិថិជនអាចប្រើដោយមិនចាំបាច់បញ្ចូលបន្ទះស៊ីមកាតទៅក្នុងឧបករណ៍អេឡិចត្រូនិច និងអាចប្រើលេខទូរសព្ទចំនួន ២ ខ្សែបានយ៉ាងងាយស្រួល។

បច្ចេកវិទ្យាថ្មីទំនើបនេះ ត្រូវបាននាំចូលកម្ពុជាជាលើកដំបូងដោយ Metfone កាលពីថ្ងៃទី ២២ ធ្នូ ឆ្នាំ ២០១៨ ដោយក្រុមហ៊ុនកំពុងដំណើរការចែកឲ្យប្រើ Free ពីពេលនេះតទៅ។

កញ្ញា ជា សុគន្ធ ដែលជាអតិថិជនមួយក្នុងចំណោមអតិថិជនជាច្រើននាក់ដែលបានចុះឈ្មោះនិងទទួលបាន Metfone eSIM មុនដំបូងគេបង្អស់បាននិយាយថា៖ “ខ្ញុំកំពុងប្រើ iPhone XS Max ប៉ុន្តែដាក់ស៊ីមតែមួយ វាអត់សូវងាយស្រួលទេ។ ប៉ុន្តែឥឡូវនេះ វាអាចដោះស្រាយបានហើយ។

កញ្ញា ក៏រីករាយផងដែរដែលបានក្លាយជាអតិថិជនដំបូងគេនៅក្នុងប្រទេសកម្ពុជាដែលបានប្រើប្រាស់បច្ចេកវិទ្យាថ្មីនេះ”។

តំណាងក្រុមហ៊ុនមិត្តហ្វូន បាននិយាយថា៖ ចាប់ពីពេលនេះ អតិថិជនទាំងអស់អាចស្វែងរកនិងចុះឈ្មោះប្រើប្រាស់ Metfone eSIM បានហើយនៅតាម Metfone Showroom ទាំងអស់នៅក្នុងរាជធានីភ្នំពេញ។ នៅដើមឆ្នាំ ២០១៩ អតិថិជនទាំងអស់នឹងអាចស្វែងរក eSIM បាននៅគ្រប់ Metfone showroom ទូទាំងប្រទេសកម្ពុជា។

ក្រៅពីនោះ ក្រុមហ៊ុនមិត្តហ្វូន ក៏បានរៀបចំនៅព្រឹត្តិការណ៍ Metfone Night Race 2018 នៅឯកីឡាដ្ឋានជាតិអូឡាំពិក ដោយមានការចូលរួមយ៉ាងច្រើនកុះករពីសំណាក់យុវវ័យប្រមាណ ២៥០០០ នាក់។

មិត្តហ្វូនបានបញ្ជាក់ថា ការរៀបចំព្រឹត្តិការណ៍ Metfone Night Race នេះឡើងគឺដើម្បីអបអរសាទរខួបគម្រប់ ១0 ឆ្នាំរបស់ខ្លួនដែលមានវត្តមាននៅក្នុងទីផ្សារទូរគមនាគមន៍នៅកម្ពុជា៕

អត្ថបទ៖ រក្សា