Hero 7 ម៉ូដែលតែមួយ ខុសតែពណ៌ តម្លៃខុសគ្នាដាច់ អានអត្ថបទនេះទៅ លែងឆ្ងល់ទៀតហើយ

2018-10-07 23:34:00
ព័ត៌មាន

2018-10-07 23:34:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើប្រាស់មួយចំនួន អាចឆ្ងល់ GoPro Hero 7(Black, White & Silver) តែមួយ ហេតុអ្វីតម្លៃខុសគ្នា? បើនិយាយពីសមត្ថភាពថត និងមុខងារថ្មីៗដែល GoPro យកមកដាក់លើ Hero7 មិនធ្វើឲ្យអ្នកគាំទ្រខកចិត្តទេ។

រូបភាព៖ ផ្តល់ដោយសំបុកអាយធី

ចំពោះភាពខុសគ្នារវាង Hero 7 ទាំងបីពណ៌គឺ៖

១). HERO7 White(ពណ៌ស) មានតម្លៃ ១៩៩ ដុល្លារ ត្រឹមអាចថតបាន Full HD ឬដល់ 1440p ជាមួយកាមេរ៉ាទំហំ 10MP។ វាអត់មាន LCD តូចខាងមុខទេ តែបើមិនចាំបាច់ វានឹងជួយសន្សំថាមពលថ្មផងដែរ ។

២). HERO7 Silver(ពណ៌ប្រាក់) មានតម្លៃ ២៩៩ ដុល្លារ ជាកាមេរ៉ាកម្រិត mid-range សម្រាប់អ្នកត្រូវការ មុខងារវីដេអូ 4K 30fps ហើយសាកថ្មជាមួយនឹង built-in battery ផ្ទាល់ (មិនអាចដោះដូរបានឡើយ)។

៣). HERO7 Black (ពណ៌ខ្មៅ) មានតម្លៃ ៣៩៩ ដុល្លារ ជាកាមេរ៉ាកំពូលរបស់ GoPro ជាមួយនឹងមុខងារ advanced មួយចំនួនរួមមាន៖ Hypersmooth ឬហៅថា Gimbal killer វីដេអូហ្នឹងច្បាស់ល្អ TimeWrap ជាមុខងារថតពន្លឿនវីដេអូ (ស្រដៀងនឹង time-lapse ដែរ) ហើយវាហ្នឹងល្អណាស់ ។

បន្ថែមលើសនេះទៀត Slomo x8 ធ្វើឲ្យវីដេអូយឺតៗ ដោយមិនចាំបាច់ចូលកែក្នុងកុំព្យូទ័រឡើយ (ចំណាំ៖ slomo x2 ក៏មានផងដែរលើ HERO7 Silver/White) ហើយកាមេរ៉ាថ្មីទាំងបីនេះ មានមុខងារការពារជម្រាបទឹក waterproof បានជម្រៅ១០ម៉ែត្រ អាច Live និងថតវីដេអូទុកបានកម្រិត 4K ដូចគ្នា និងអាចភ្ជាប់ប្រើជាមួយកម្មវិធី GoPro ដូចគ្នាផងដែរ។

តាមរយៈការប្រៀបធៀបនេះ ប្រិយមិត្តដែលកំពុងចាប់ចិត្តលើ GoPro Hero 7 អាចចែកឲ្យដាច់បានហើយ ចាំកាលទៀតទិញហ្មងទៅ ទុកដើរលេងខែភ្ជុំ៕

ចំពោះតម្លៃអាចរក បាននៅទីនេះ

អត្ថបទ៖ រក្សា