Sony បញ្ចេញទូរទស្សន៍ជំនាន់ថ្មី មើលកាន់តែយប់ទើបដឹងថាកប់យ៉ាងណា

2018-10-05 03:12:59
ផលិតផលថ្មី

2018-10-05 03:12:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Sony ដែលមានមូលដ្ឋាននៅជប៉ុន ទើបតែបានបញ្ចេញទូរទស្សន៍ស៊េរីថ្មីម៉ូដែល A9F OLED និង Z9F LCD ដែលផ្តល់ចំណុចខ្លាំងលើគុណភាពរូបភាព និងសម្លេង។

A9F ជាទូរទស្សន៍កម្រិតខ្ពស់ (Flagship) ប្រើប្រាស់អេក្រង់ OLED ផ្តល់កម្រិតរូបភាពច្បាស់ជាមួយបច្ចេកវិទ្យាចុងក្រោយ។ បើទស្សនាពេលយប់ឬនៅទីងងឹត ទូរទស្សន៍ស្ថិតក្នុងត្រកូល Master Series របស់ Sony អាចចែកដាច់ពណ៌នៅលើផ្ទៃអេក្រង់ដោយរូបភាពកម្រិត 4K យ៉ាងច្បាស់ហ្មត់ រួមទាំងមានមុខងារ HDR ជំរុញឲ្យរូបភាពលើអេក្រង់មានពណ៌ធម្មជាតិ អាចទស្សនាគ្រប់ទិសយ៉ាងត្រជាក់ភ្នែក។

ប្រព័ន្ធសំឡេង A9F ជះចេញពីអេក្រង់តែម្តង សឹងតែថាមិនចាំបាច់ប្រើ Speaker ជាជំនួយ ដោយសារការប្រើប្រាស់បច្ចេកវិទ្យា Acoustic Surface Audio អាចបង្កើតគុណភាពសម្លេងឮខ្លាំងកប់ ដែលបច្ចេកវិទ្យាមុនៗមិនមានឡើយ។

កំពូលទូរទស្សន៍របស់ Sony បំពាក់មកជាមួយ Pixel Contrast Boster ជាឧបករណ៍ត្រួតពិនិត្យលើផ្ទាំង OLED និងប្រើប្រាស់ឈីប X1 Ultimateជាខួរក្បាលថ្មី ដែលធ្វើឲ្យទូរទស្សន៍មានភាពឆ្លាតវៃ រួមទាំងប្រតិបត្តិការដោយ AndroidTV។

Sony ក៏បានចាប់ដៃជាមួយ Netflix ដើម្បីនាំយកបទពិសោធន៍ការទស្សនាវីដេអូថ្មីប្លែក ដែលទូរទស្សន៍ផ្សេងៗមិនទាន់អាចធ្វើបាន។

ទាំង A9F OLED និង Z9F LCD ក្រុមហ៊ុន Sony ទើបតែដាក់បង្ហាញជាលើកដំបូងនៅទីផ្សារកម្ពុជាកាលពីដើមសប្ដាហ៍នេះ ហើយតម្លៃប្រភពក្រុមហ៊ុនមិនទាន់បញ្ជាក់ច្បាស់នៅឡើយទេ៕

ចុចអានអត្ថបទបន្ត

អត្ថបទ៖ ប៊ុណ្ណារ៉ា