/Inter-3/5cdd132c50511_1557992220_medium.jpg)
- 2018-10-04 12:41:48
- ផលិតផលថ្មី
បើគិតថា 4K មិនស្កប់ នេះឆែកមើលបានតម្លៃទូរទស្សន៍ 8K ទំហំ ៨៥ អ៊ីញពី Samsung
- 2018-10-04 12:41:48
- ចំនួនមតិ 0 | ចំនួនចែករំលែក 0
បើគិតថា 4K មិនស្កប់ នេះឆែកមើលបានតម្លៃទូរទស្សន៍ 8K ទំហំ ៨៥ អ៊ីញពី Samsung
ចន្លោះមិនឃើញ
ក្រុមហ៊ុនយក្សកូរ៉េខាងត្បូង Samsung បានប្រកាសនូវទូរទស្សន៍ QLED 8K កាលពីខែសីហា រហូតមកទល់ពេលបច្ចុប្បន្នប្រភេទ Smart TV ម៉ូឌែល Q900 ទំហំ ៨៥ អ៊ីញមួយនេះ បើកឲ្យកុម្ម៉ង់ទិញជាផ្លូវការហើយនូវតម្លៃ ១៥ ០០០ ដុល្លារ ។
ពុំមានការបង្ហើបច្បាស់ជុំវិញតម្លៃជម្រើស ៦៥ អ៊ីញ ៧៥ អ៊ីញ និង ៨២ អ៊ីញ ប៉ុន្តែធុនខ្ពស់ ៨៥ អ៊ីញជាក់ច្បាស់នឹងអាចទៅដល់ដៃអតិថិជននាថ្ងៃទី ២៨ តុលា។ ជាមួយមុខងារ 8K AI Upscaling បំពាក់ដោយអង្គគណនា Quantum Processor 8K ជួយពង្រឹងគុណភាពរូបនិងកម្រិតច្បាស់កាន់តែដិតល្អជាងមុន។
បន្សំនឹងមុខងារ Ambient Mode ដូចមានលើត្រកូល QLED TV ជំនាន់មុនរបស់ Samsung អនុញ្ញាតឲ្យអ្នកប្រើធ្វើការចាប់យករូបភាពឬចន្លោះនៅខាងក្រោយផ្ទៃទូរទស្សន៍ មកតាំងបង្ហាញជាផ្ទៃថ្លាឆ្លុះចេញលើអេក្រង់។
សម្រាប់តម្លៃនេះបើធៀបនឹងប្រភេទ QLED 4K TV នៃស្លាកយីហោដដែល ហាក់មានភាពទាបជាងគ្នាចន្លោះពី ១ ៦០០ ទៅ ៥ ៣០០ ដុល្លារ ទាំងដែលមុខងារទាំងអស់អាចប្រើប្រាស់បានដូចគ្នា ខុសត្រឹមកម្រិតបង្ហាញ ជាហេតុផលល្មមឲ្យអតិថិជនត្រូវគិតគូរឲ្យបានច្បាស់លាស់។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
