ភ្ជុំបិណ្ឌឆ្នាំនេះ ប្រូម៉ូសិនអស់ស្ទះ ៣០% ពី Toyota យកឡានទៅធ្វើសេរី

2018-10-03 02:56:59
ព័ត៌មាន

2018-10-03 02:56:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងឱកាសអបអរពិធីបុណ្យភ្ជុំបិណ្ឌនេះ ក្រុមហ៊ុន Toyota បានប្រកាសបញ្ចេញកម្មវិធីពិសេស គឺ The Mystery Service Box ដោយផ្ដល់ការបញ្ចុះតម្លៃចាប់ពី ៥-៣០% ដល់គ្រប់អតិថិជនទាំងអស់ ដោយមិនមានការបែងចែកសម្រាប់អ្នកទិញឡានថ្មីពីក្រុមហ៊ុនឡើយ។ សេវាកម្មទាំងនោះមានដូចជា៖

ចំពោះសេវាកម្មថែទាំ (ប្ដូរប្រេងម៉ាស៊ីន) នឹងអាចទទួលបានការចាប់យកប័ណ្ណបញ្ចុះតម្លៃពី ៥-៣០%
រីឯការផ្លាស់ប្ដូរគ្រឿងបន្លាស់សុទ្ធ ១០០% (សម្រាប់សេវាកម្មជួសជុលទូទៅ តោន និងបាញ់ថ្នាំ) នឹងទទួលបានការបញ្ចុះតម្លៃ ១០%

លោក ដោ ទិវា អ្នកគ្រប់គ្រងផ្នែកសេវាកម្មអតិថិជន Toyota បាននិយាយថា កម្មវិធីនេះ នឹងមានសុពលភាពទាំងនៅភ្នំពេញ បាត់ដំបង និងសៀមរាប ហើយមិនចំពោះតែអ្នកជិះឡានទិញពីក្រុមហ៊ុននោះឡើយ អ្នកទិញពីហ្គារ៉ាសខាងក្រៅក៏អាចទទួលបានដែរ ឲ្យតែប្រើប្រាស់រថយន្តម៉ាក Toyota និង Lexus។

លោក ទិវា ក៏បានបញ្ជាក់ពីចំណុចពិសេសនៃយានដ្ឋានដែលទទួលស្គាល់ពីរោងចក្រ Toyota ផ្ទាល់នេះថា៖ "ខ្ញុំលើកឧទាហរណ៍មួយជាក់ស្ដែង ជាទូទៅពេលយើងទៅប្ដូរប្រេងនៅហ្គារ៉ាសក្រៅ គេគ្រាន់តែចាក់ប្រេងចាស់ ដាក់ប្រេងថ្មី តែនៅយើងវិញ យើងហៅថាជាសេវាកម្មថែទាំ ដោយពិនិត្យមើលប្រព័ន្ធសុវត្ថិភាពជាង ៣០ចំណុចបន្ថែមទៀតដោយឥតគិតថ្លៃ ហើយគ្រឿងបន្លាស់យើងទាំងអស់គឺសុទ្ធ ហើយមានធានាពីក្រុមហ៊ុនទៀត សូម្បីតែជាងក៏ទទួលបានការបណ្ដុះបណ្ដាលពីជប៉ុនដែរ"។