Jack Ma ថាសង្គ្រាមពាណិជ្ជកម្ម ចិន-អាមេរិក អាចអូសបន្លាយដល់ ២០ ឆ្នាំ

2018-09-20 02:43:08
ព័ត៌មាន

2018-09-20 02:43:08
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋី Jack Ma បានប្រាប់អ្នកវិនិយោគថា ជម្លោះពាណិជ្ជកម្មរវាងប្រទេសចិន-អាមេរិក អាចមានរយៈពេលដល់ទៅ២០ឆ្នាំ និងធ្វើឱ្យប៉ះពាល់ខ្លាំងជាងអ្វីដែលគេធ្លាប់គិត។

“វានឹងមានរយៈពេលវែង។ វានឹងក្លាយជាភាពរញ៉េរញ៉ៃ។ មិនមែន២០ខែ ឬ ២០ថ្ងៃ ប៉ុន្តែអាច ២០ឆ្នាំ"។ ការលើកឡើងបែបនេះ ធ្វើឡើងក្នុងសន្និសីទប្រចាំឆ្នាំសម្រាប់វិនិយោគិន Alibaba កាលពីថ្ងៃអង្គារ ប៉ុន្មានម៉ោងក្រោយផែនការយកពន្ធលើទំនិញចិន ដែលមានតម្លៃប្រមាណ ២០០ ពាន់លានដុល្លារ របស់រដ្ឋបាលលោកប្រធានាធិបតីអាមេរិក ដូណាល់ ត្រាំ។

លោក Ma បន្ថែមថា កំណើនភាពតានតឹងនៃសង្គ្រាមពាណិជ្ជកម្មនេះ ក៏នឹងធ្វើឱ្យប៉ះពាល់ដល់ក្រុមហ៊ុនលក់ទំនិញអនឡានយក្ស Alibaba ផងដែរ។ ជាក់ស្ដែងភាគហ៊ុនរបស់ Alibaba បានធ្លាក់ចុះ ២៥% ពីតម្លៃខ្ពស់បំផុតកាលពីខែមិថុនា។

លោក Jack Ma និយាយថា ពាណិជ្ជកម្មជាច្រើននៅចិន និងអាមេរិក នឹងជួបបញ្ហាក្នុងពេលដ៏ខ្លី ហើយចុងក្រោយ ក្រុមហ៊ុនរបស់ចិនទាំងអស់ នឹងត្រូវបង្ខំទៅរកប្រទេសផ្សេង។ នេះបើតាមសារព័ត៌មាន CNN បានស្រង់សម្ដីលោក Ma។ CNN បន្ថែមថា បែបនឹងគ្មានភាពធូរស្បើយឡើយ ចំពោះភាពតានតឹងរវាងមហាអំណាចសេដ្ឋកិច្ចទាំងពីរ លុះត្រាលោក ដូណាល់ ត្រាំ ចុះចេញពីតំណែង៕

ប្រភព៖ ntd.tv ប្រែសម្រួល៖ អ៊ុំ សុភក្តិ