ឧបករណ៍ច្នៃប្រឌិតទាំង ១០ ដែលសឹងតែមិនជឿថាអាចមានក្នុងពិភពលោកនេះ

2018-08-22 11:54:37
ព័ត៌មាន

2018-08-22 11:54:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារៀងរាល់ថ្ងៃអ្នកបង្កើតនិងអ្នកអភិវឌ្ឍបានព្យាយាមសិក្សាស្រាវជ្រាវពីមួយថ្ងៃទៅមួយថ្ងៃ ដើម្បីបំបែកគន្លឹះជួយឲ្យជីវិតរស់នៅប្រចាំថ្ងៃរបស់មនុស្សកាន់តែមានភាពងាយស្រួល។ Sabay ណែនាំឲ្យស្គាល់ពីរបស់របរប្រើប្រាស់បង្កើតឡើងក្នុងគំនិតច្នៃប្រឌិតខ្ពស់ទាំង ១០ ដូចបង្ហាញខាងក្រោម។

១.កញ្ចក់ឆ្លាតវៃ Haier:

ចង់តុបតែងការស្លៀកពាក់ឲ្យបានល្អឥតខ្ចោះរៀងរាល់ព្រឹកព្រលឹម កញ្ចក់ឆ្លាតវៃ Haier អាចជួយអ្នកបាន។ ដំបូងអ្នកគ្រាន់តែបញ្ចូលទិន្នន័យសំលៀកបំពាក់ទាំងអស់ទៅក្នុងឈីបពិសេសមួយក្នុងទូព្យួរខោអាវ បន្ទាប់មកកញ្ចក់ពិសេសនឹងបង្កើតជម្រើសឈុតស្លៀកពាក់ឲ្យអ្នកបានឃើញ និងជួយអ្នកស្វែងរកទីតាំងនៃរបស់ដែលអ្នកចង់បាន។

២.ទ្រនាប់ក្នុងនៃស្បែកជើងជួយសារពាង្គកាយ:

Stappone ជាទ្រនាប់ក្នុងនៃស្បែកជើងអាចស្កេនពីស្ថានភាពនៃរាងកាយ និងត្រួតពិនិត្យកំហុសបញ្ហានៃការផ្លាស់ទីតាំង ដើម្បីជួយកែតម្រូវមកវិញ។ ឧទាហរណ៍អ្នកអង្គុយឬដើរមិនត្រឹមត្រូវ នោះប្រព័ន្ធនឹងចាប់សម្គាល់បញ្ជូនសញ្ញាទៅស្មាតហ្វូនភ្លាម។

៣.កាបូបងាយស្រួលផ្លាស់ទីតាំងសុនក:

៤.ឧបករណ៍ចាប់ស្មាតហ្វូនជាប់នឹងកញ្ចក់:

NanoHold ជាឧបករណ៍ពិសេសម្យ៉ាងអាចចាប់ស្មាតហ្វូនឲ្យភ្ជាប់ទៅនឹងកញ្ចក់ ប្លាស្ទិក ឬលោហៈ ដោយវានឹងមិនបន្សល់នូវដានឬសញ្ញាណាមួយលើផ្ទៃទីតាំងដែលភ្ជាប់ឡើយ ពោលគឺងាយស្រួលនិងប្រើប្រាស់បានគ្រប់ទីកន្លែង។

៥.ឧបករណ៍ Royole-X:

ជារោងកុនចល័តអាចភ្ជាប់តាមខ្លួនគ្រប់ទីកន្លែង ដោយអាចប្រើប្រាស់សម្រាប់ទស្សនាភាពយន្ត ស្តាប់តន្រ្តី ឬកម្សាន្តវីដេអូហ្គេមក្នុងពិភពខាងក្រៅ។

៦.Spire ប្រភេទ Sensor តាមដានស្ថានភាពផ្លូវចិត្ត:

ក្នុងគោលដៅកំណត់និងវិភាគនៃកម្រិតដង្ហើម Sensor នេះអាចប្រាប់អ្នកឬផ្តល់មតិឲ្យអ្នកត្រលប់ទៅសម្រាកវិញ ពោលគឺសក្តិសមការប្រើប្រាស់អំឡុងធ្វើលំហាត់ប្រាណ។ មានរាងជ្រុង ងាយស្រួលប្រើប្រាស់គ្រប់កាលៈទេសៈ បន្សំអាវក្រោះការពារទឹកនិងញើស។

៧.មេដៃជំនួយ:

ជោគជ័យថ្មីមួយផ្សេងទៀងក្នុងវិស័យវិទ្យាសាស្ត្រសិប្បនិម្មិតគឺការបន្ថែមមេដៃពិសេសដល់មនុស្ស ប៉ុន្តែតម្រូវឲ្យប្រើប្រាស់សម្រាប់តែជនពិការតែប៉ុណ្ណោះ ដោយជួយឲ្យរាងកាយមានភាពពេញលក្ខណៈនិងអាចប្រើប្រាស់ដូចមនុស្សសាមញ្ញទូទៅ។

៨.ច្រាសដោះធ្មេញឆ្លាតវៃ Unico:

អាចដុះសម្អាតធ្មេញរបស់អ្នកត្រឹមរយៈពេល ៣ វិនាទី គាំទ្រការប្រើប្រាស់ជាមួយឧបករណ៍ iOS និង Android។

៩.កង្ហារពិសេស:

ជៀសវាងអ្នកត្រូវដាក់ជើងទៅខាងក្រៅភួយអំឡុងពេលចូលដំណេក កង្ហារបង្កប់ដ៏ពិសេសនេះអាចជួយអ្នកឲ្យទទួលបានបរិយាកាសគ្រប់គ្រាន់។

១០.ទូរសព្ទដុះលាងសម្អាតបាន:

ក្រុមហ៊ុន ពិសេស Kyocera បានផលិតទូរសព្ទប្លែកខុសពីគូប្រជែងដទៃ មានលក្ខណៈពិសេសអាចយកទៅដុះខាតជាមួយសាប៊ូនិងទឹកបាន ប្រសិនគិតថាឧបករណ៍អ្នកជាប់នៅធូលីដីមិនទាក់ភ្នែកអ្នកដទៃ។