ថ្ងៃដំបូងល្បីលក់ដាច់ពេក Nova 3/3i ផ្គត់ផ្គង់មិនចង់ទាន់អ្នកទិញ

2018-08-21 03:15:02
ព័ត៌មាន

2018-08-21 03:15:02
ចំនួនមតិ 0 | ចំនួនចែករំលែក 0

ចន្លោះមិនឃើញ

Huaweiបានប្រារព្ធពិធីសម្ពោធ និងដាក់ថ្ងៃដំបូងជាផ្លូវការនូវស៊េរីថ្មី #Huawei_Nova3 #Huawei_Nova3i បានធ្វើឲ្យកក្រើកកម្មវិធីនៅផ្សារទំនើបអីអន ២ សែនសុខ ជាមួយវត្តមានតារាចម្រៀង និងតារាល្បីៗកំដរបរិយាកាសឱ្យកាន់តែរីករាយថែមទៀតផង។

តារាចូលរួមមានដូចជា ទេព បូព្រឹក្ស វីរៈ និច្ច ក្រុមរាំម្ចាស់បទ វ៉ៃមាលុយ តារាបង្ហាញម៉ូដល្បី ប្រាសាទ ដាវីន សុផា លីនដា ចាន់ គង់ការ ពីយ៉ា វាកា ពិធីការ ឈាង ដាវុធ ពិធីការីនីស្រីស្អាត វីត វីត តារាFacebook ហេង សុខវាសនា តារាសម្តែង តារាភាពយន្ត លោក សាន់នី សុក លោក ភាល័យ នរ តារាចម្រៀងរ៉េប វីទឃូល័រ យ៉ែម ស្រីពេជ្រ រួមទាំងតារាកិតិ្តយសជាច្រើនរូបទៀត ដើម្បីអបអរ បើកលក់ថ្ងៃ ១៨ ខែ ០៨ ទាន់ក្ដៅៗថ្ងៃដំបូងផងដែរ។

ថ្លែងក្នុងព្រឹត្តិការណ៍បើកសម្ពោធការលក់នៅថ្ងៃដំបូងនេះ លោក អែម យុទ្ធូ នាយកជាន់ខ្ពស់ផ្នែកទីផ្សារក្រុមហ៊ុន Huawei ប្រចាំប្រទេសកម្ពុជា បានឲ្យដឹងថា៖ "ដោយសារ ស្មាតហ្វូន Huawei មានប្រជាប្រិយភាពខ្ពស់ និងទទួលបានការគាំទ្រពីដៃគូពាណិជ្ជកម្ម តារាល្បីៗមកដល់ឥឡូវមានហាងរបស់ Huawei ចំនួនជាង ១៥០០កន្លែង គ្របដណ្ដប់២៥ខេត្ត-ក្រុង ទូទាំងប្រទេសហើយ"។ សង្ឃឹមថា Nova 3/3i នឹងបំពេញនូវតម្រូវការដ៏ទាន់សម័យ ដល់អ្នកប្រើប្រាស់ទាំងអស់"។

លោកបានបន្ថែមថា #Huawei_Nova3 #Huawei_Nova3i ទទួលបានការកម្ម៉ុង់ទុកជាមុនពីហាងធំៗប្រមាណ ៨០០ ហាង ដោយក្រុមហ៊ុនជ្រើសយកតែ១៨ហាង ដែលទទួលបានការកុម្មង់ទុកជាមុនច្រើនជាងគេធ្វើកម្មវិធីលក់ពិសេសដោយបន្ថែម ជាសរុបមកតូរលេខលក់ចេញ ថ្ងៃដំបូងកើន១០ ដងបើធៀបនឹង Nova 3e និង ៣០ដង បើធៀបនឹងNova 2i ពោលគឺត្រឹមតែមួយថ្ងៃ ស្តុកទាំងអស់ត្រូវបានបព្ចោញពីឃ្លាំងដេប៉ូចែកចាយគ្មានសល់ ដែលជាតួលេខបំបែកកំណត់ត្រានៅកម្ពុជា មិនដែលធ្លាប់មានពីមុនមក។

ជិត ១០០នាក់ តម្រង់ជួរទិញមុនគេនៅផ្សារទំនើបអ៊ីអនសែនសុខកាលពីថ្ងៃ១៨ សីហា ទទួលបាន Coupon ពីក្រុមការងារ Huawei ដើម្បីទទួលបានកាដូបន្ថែមយ៉ាងច្រើនលើសពីការថែមធម្មតាតែមួយថ្ងៃដែលចំណេញកាដូគិតជាសាច់ប្រាក់ ១៤៩ដុល្លារ។

Huawei nova 3 មានលក្ខណៈសម្បត្តិដូចជា៖

-កាមេរ៉ាភ្លោះផ្នែកខាងមុខទំហំ 24M + 2MP -កាមេរ៉ាភ្លោះផ្នែកខាងក្រោយទំហំ 24M + 16MP អាចថតរូបដែលព្រាលផ្ទៃខាងក្រោយ មានមុខងារ HDR Pro ធ្វើឲ្យមានតុល្យភាពពន្លឺ និងកម្រិត Aperture F1.8
-កាមេរ៉ាទាំងមុខ និងក្រោយមានបំពាក់បច្ចេកវិទ្យា AI សម្គាល់ប្លង់រូបភាពដោយស្វ័យប្រវត្តិជួយការថតសែលហ្វីស្អាតលេចធ្លោ។ -មានបំពាក់នូវអេក្រង់ឆកដ៏កំពុងពេញនិយម ធំពេញភ្នែក ទំហំ 6.3 អ៊ីញ កម្រិត Full HD+ 409 ppi។ -មានបំពាក់បន្ទះឈីប Kirin 970, RAM ទំហំ ៦ GB និង ROM ទំហំ ១២៨ GB -ថ្មមានទំហំ ៣៧៥០ mAh អាចសាកថ្មឆាប់ពេញ

Huawei nova 3i មានលក្ខណៈសម្បត្តិដូចជា ៖ -កាមេរ៉ាមុខពីរគ្រាប់ទំហំ 24M + 2MP -កាមេរ៉ាភ្លោះខាងក្រោយទំហំ 16M + 2MP -មានអេក្រង់ទំហំ ៦,៣ អ៊ីញ កម្រិត Full HD+ -មានបំពាក់ GPU Turbo បង្កើនដំណើរការក្រាហ្វិកផ្ដល់បទពិសោធន៍ល្អចំពោះការលេងហ្គេម -មានបំពាក់បន្ទះឈីប Kirin 710, RAM ទំហំ ៤ GB, ROM ទំហំ 128 GB និង ថាមពលថ្ម 3340 mAh

Huawei_Nova3 មានលក់លើទីផ្សារក្នុងតម្លៃតម្លៃ ៤៦៩ ដុល្លារ និង #Huawei_Nova 3i តម្លៃជាង ៣២៩ ដុល្លារ ដោយនឹងទទួលបាន Bluetooth Speaker ហើយថែមស៊ីមស្មាត ជាមួយកញ្ចប់សេវាកម្មធំហ្មង ១២សប្ដាហ៍ និង ១៦ សប្ដាហ៍។

តោះ! ទស្សនាវីដេអូលម្អិតស្ដីពីលក្ខណៈពិសេស Huawei nova3/3i និងវីដេអូពីការកុម្ម៉ង់ទុកជាមុន៖