- 2018-08-07 03:47:00
- ព័ត៌មាន
រថយន្តអគ្គិសនីខ្នាតធំ ស្នាដៃលោកញាន ផល្លឹក ធ្លាប់បង្ហាញខ្លួននៅខ្មែរច្រើនលើក
- 2018-08-07 03:47:00
- ចំនួនមតិ 0 | ចំនួនចែករំលែក 0
រថយន្តអគ្គិសនីខ្នាតធំ ស្នាដៃលោកញាន ផល្លឹក ធ្លាប់បង្ហាញខ្លួននៅខ្មែរច្រើនលើក
ចន្លោះមិនឃើញ
លោក ញាន ផល្លឹក ស្ថាបនិករថយន្តអង្គរ បានឲ្យ Sabay ដឹងថា រថយន្តក្រុងអគ្គិសនីនេះ នឹងត្រូវបានដាក់ឲ្យប្រើប្រាស់នៅក្នុងពីធីបើកនៃកម្មវិធី បុណ្យសមុទ្រ លើកទី ៧ ជុំទី ២ ឆ្នាំ ២០១៨ ដែលនឹងប្រារព្ធធ្វើនៅខេត្តកោះកុង ចាប់ពីថ្ងៃទី ១៤ ដល់ ១៦ ខែធ្នូ ឆ្នាំ ២០១៨ ខាងមុខនេះ។
ដោយឡែកនៅថ្ងៃទី ១៥ ខែធ្នូ លោកនាយករដ្ឋមន្រ្តីហ៊ុន សែន ក៏នឹងអញ្ជើញជាអធិបតី ក្នុងពិធីបើកជាផ្លូវការនូវពិធីបុណ្យនេះដែរ។
រថយន្តខ្នាតធំ (ឡានក្រុង) ប្រើប្រាស់ថាមពលអគ្គិសនីបូកជាមួយថាមពលពន្លឺព្រះអាទិត្យ(Solar) ដោយប្រើកម្លាំង( ម៉ូទរ័ ១៦គីឡូវ៉ាត់)។ រថយន្តប្រភេទទេសចរណ៍នេះ អាចផ្ទុកអ្នកដំណើរបានចំនួន ២២ នាក់គិតទាំងអ្នកបើកបរ។ វាត្រូវបានផលិតដោយដោយដៃផ្ទាល់ ១០០% គ្មានពុម្ពគ្មានរោងចក្រនិងសម្ភារៈទំនើបៗដើម្បីដំឡើងនោះទេ។
ជាលើកទី២ហើយ ដែលរថយន្តប្រភេទខ្នាតធំ បានបង្ហាញខ្លួនជាសាធារណៈដើម្បីឲ្យអ្នកចូលរួមទាំងភ្ញៀវជាតិ និងអន្តរជាតិ បានស្គាល់ពីផលិតផលស្នាដៃកូនខ្មែរ។ យ៉ាងណាមិញ រថយន្តអង្គរចំនួន ៣ ផ្សេងទៀតរបស់លោក ក៏ធ្លាប់បានបង្ហាញខ្លួនក្នុងកម្មវិធីនេះដែរ កាលពីឆ្នាំ ២០១៣ ដោយទទួលបានការចាប់អារម្មណ៍ខ្លាំងមែនទែនពីសំណាក់អ្នកចូលរួមកាលណោះ។
រំឭកដែរថា ពិធីបុណ្យសមុទ្របានធ្វើឡើង ៦ លើករួចមកហើយ ដោយលើកទី ១ ធ្វើនៅខេត្តព្រះសីហនុ លើកទី ២ នៅខេត្តកែប លើកទី៣ នៅខេត្តកោះកុង លើកទី ៤ នៅខេត្តកំពត លើកទី ៥ នៅខេត្តព្រះសីហនុ និងលើកទី ៦ នៅខេត្តកែប។ ដូចនេះ កុំភ្លេចទៅចូលរួមទាំងអស់គ្នា ដើម្បីទស្សនារថយន្តស្នាដៃកូនខ្មែរ និងអបអរពិធីបុណ្យសមុទ្រនាចុងឆ្នាំនេះ៕
អានអត្ថបទបន្ត៖