- 2018-07-11 04:55:00
- ព័ត៌មាន
មកដឹងតម្លៃម៉ាស៊ីនបាញ់ថ្នាំស្រូវ ប្រើតេឡេបញ្ជាស្នាដៃលោកគ្រូវ័យក្មេង
- 2018-07-11 04:55:00
- ចំនួនមតិ 0 | ចំនួនចែករំលែក 0
មកដឹងតម្លៃម៉ាស៊ីនបាញ់ថ្នាំស្រូវ ប្រើតេឡេបញ្ជាស្នាដៃលោកគ្រូវ័យក្មេង
ចន្លោះមិនឃើញ
ដោយមានចំណូលចិត្តផ្នែកបច្ចេកវិទ្យា បូករួមទាំងការខិតខំព្យាយាមផងនោះ បានជំរុញឲ្យលោកគ្រូភាសាអង់គ្លេស សង រ៉ាវុធ នៅឯនាយឥសានប្រទេស(ខេត្តឧត្តរមានជ័យ) បានឆ្លៀតពេលបន្តិចបន្តួចមកកែច្នៃម៉ាស៊ីនបាញ់ថ្នាំអាចប្រើតេឡេបញ្ជាពីចម្ងាយ បើគិតមកដល់ពេលនេះបានចំនួន ២ គ្រឿង។
អតីតសន្តិសុខបានឲ្យ Sabay ដឹងថា ផលិតផលដែលគេបានច្នៃបង្កើតមានពីរគឺ ម៉ាស៊ីនបាញ់ថ្នាំស្រូវ តម្លៃ ៨៥០ ដុល្លារ ឯម៉ាស៊ីនបាញ់ថ្នាំស្រូវនិងដំឡូង តម្លៃ ១៣៥០ ដុល្លារ។
"មិនត្រឹមតែមានតម្លៃធូរថ្លៃប៉ុណ្ណោះទេ ថែមទាំងអាចចំណេញដល់ពេលវេលាថែមទៀតផង។"
ទស្សនាវីដេអូម៉ាស៊ីនបាញ់ថ្នាំបញ្ជាដោយតេឡេខាងក្រោម៖
លោកគ្រូវ័យក្មេងរូបនេះបានលើកឡើងពី អត្ថប្រយោជន៍ដែលកសិករទទួលបានគឺ ផ្តល់ភាពងាយស្រួលធ្វើកសិកម្ម។ លោកលើកឡើងជាឧទាហរណ៍ថា ពីមុនក្នុងមួយហិចតា កសិករប្រើប្រាស់ពេលវេលាបាញ់លើដំណាំអស់ ៤ ម៉ោង បើប្រើប្រាស់ម៉ាស៊ីនរបស់គេកសិករចំណាយពេលត្រឹមតែ ១ ម៉ោងប៉ុណ្ណោះ។ នេះបានជួយឲ្យកសិករមានពេលវេលាទៅធ្វើអីផ្សេងៗទៀតបាន។
បើនិយាយពីតម្លៃជួលគេបាញ់ថ្នាំ មួយហិចតាតម្លៃ ១៥ ដុល្លារ។ ជាមួយម៉ាស៊ីននេះ ក្រៅពីទុកប្រើប្រាស់ខ្លួនឯង កសិករអាចយកទៅស៊ីឈ្នួលឲ្យអ្នកផ្សេងទៀតក្នុងមូលដ្ឋានបានផងដែរ។
ពីមុនការដើរស្ពាយបំពង់ថ្នាំបាញ់លើខ្នង ប្រឈមនឹងការប៉ះពាល់សារធាតុគីមីរហូតដល់ ៩០% ឯណោះ។ ដោយឡែកចំពោះម៉ាស៊ីននេះ អាចឲ្យអ្នកជៀសផុតពីសារធាតុគីមីបានដល់ ៩០% វិញ។
ជាងនេះដែរ រ៉ាវុធ ក៏បានអំពាវនាវដល់ម្ចាស់កសិដ្ឋាន ម្ចាស់អាជីវកម្ម សូមជួយគាំទ្រផលិតផលក្នុងស្រុកដែលបង្កើតឡើងដោយស្នាដៃយុវជន ដើម្បីជួយឲ្យវិស័យកសិកម្មអាចរីកចម្រើនទៅមុខ៕
អានអត្ថបទបន្ត៖
