- 2018-06-27 02:55:00
- ព័ត៌មាន
ជើងខ្លាំង IT ពីររូបប្រឡងជាប់ Hacker បានទៅប្រកួតបន្តនៅសិង្ហបុរី
- 2018-06-27 02:55:00
- ចំនួនមតិ 0 | ចំនួនចែករំលែក 0
ជើងខ្លាំង IT ពីររូបប្រឡងជាប់ Hacker បានទៅប្រកួតបន្តនៅសិង្ហបុរី
ចន្លោះមិនឃើញ
ការប្រកួតប្រជែងផ្នែកសន្តិសុខបច្ចេកវិទ្យាគមនាគមន៍ និងព័ត៌មាន "Cambodia Cyber Contest” ឬ CamCyber ដែលធ្វើឡើងកាលពីថ្ងៃទី ២៦ ខែមិថុនាឆ្នាំ ២០១៨ ម្សិលមិញនេះ បានបញ្ចប់ទៅដោយជោគជ័យ និងរកឃើញបេក្ខជនជយលាភី ២ រូបត្រូវបញ្ជូនទៅប្រកួតបន្តថ្នាក់តំបន់នៅប្រទេសសិង្ហបុរី នាខែកញ្ញាឆ្នាំ ២០១៨ ខាងមុខនេះ។
និស្សិតជំនាញវិទ្យាសាស្ត្រកុំព្យូទ័រពីររូបនោះគឺលោក រៀន យូដា ជានិស្សិតមកពីសាកលវិទ្យាល័យអាស៊ីអឺរ៉ុប និងលោក ប៉េង ឆៃឡេង ជានិស្សិតមកពីសាកលវិទ្យាល័យភូមិន្ទភ្នំពេញ។
តាមប្រភពពីបេក្ខជនជយលាភី រៀន យូដា បានឲ្យ Sabay ដឹងថា "ពួកគេត្រូវបានប្រឡងជាប់តេស្ត CamCyber ដែលគណៈកម្មការបានដាក់ឲ្យ និងត្រូវបានជ្រើសរើសឲ្យជាប់ទៅប្រកួតបន្តនៅសិង្ហបុរី" ។
ជើងខ្លាំងរូបនេះ បានបង្ហើបថា ចំពោះប្រាក់រង្វាន់វិញ រូបគេក៏មិនទាន់ដឹងនៅឡើយដែរ។"
តែយ៉ាងណាក្ដី ឯកឧត្ដម ជុន វ៉ាត បានថ្លែងអំពីសារៈសំខាន់នៃការកសាងសមត្ថភាពធនធានមនុស្សដែលមានជំនាញផ្នែកសន្តិសុខបច្ចេកវិទ្យាគមនាគមន៍ និងព័ត៌មាន។
លោកបន្តថា សព្វថ្ងៃ ជំនាញនេះគឺមានតម្រូវការយ៉ាងខ្លាំង ទាំងក្នុងស្រុក និងនៅក្នុងតំបន់ ឯកឧត្ដម ក៏បានផ្កាំផ្ញើឲ្យបេក្ខជនដែលចូលរួមទាំងអស់ ទោះបីទទួលបានជយលាភី ឬមិនបានក្តី ត្រូវខិតខំសិក្សារៀនសូត្រជំនាញមួយនេះបន្ថែមទៀត ដើម្បីឲ្យកម្ពុជាមានធនធានបន្ថែមក្នុងការការពារ ទប់ស្កាត់ និងឆ្លើយតបទៅនឹងការវាយប្រហារនានាពីអ៊ិនធឺណិត៕
ខាងក្រោមនេះជារូបភាពក្នុងថ្ងៃប្រកួត៖
អានអត្ថបទទាក់ទង៖
