ប្រើឧបករណ៍ទំនើបៗរាល់ថ្ងៃ ដឹងទេថា Internet of things(IoT) ជាអ្វី?

2018-05-23 01:06:00
ព័ត៌មាន

2018-05-23 01:06:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Internet of things(IoT) សំដៅទៅលើឧបករណ៍នានា ឬសម្ភារៈប្រើប្រាស់ប្រចាំថ្ងៃដែលមានភ្ជាប់ប្រព័ន្ធអ៊ីនធឺណិត(ក្រៅពីកុំព្យូទ័រ និងស្មាតហ្វូន) ដូចជា ឧបករណ៍ប្រើប្រាស់ក្នុងផ្ទះបាយ នាឡិកាដៃ ឬរថយន្តជាដើម។

ឯកឧត្ដម ខូវ មករា | រូបភាព៖ mptc.gov.kh

ពីមុនប្រើអ៊ីនធឺណិតទាល់តែមានកុំព្យូទ័រ ប៉ុន្តែឥឡូវសូម្បីរបស់ប្រើប្រាស់សាមញ្ញៗ ក៏មានភ្ជាប់អ៊ីនធឺណិតដែរក្នុងជំនាន់ឧស្សាហកម្ម ៤.០ នេះ។ តាមការឲ្យដឹងតាមប្រសាសន៍ឯកឧត្ដម ខូវ មករា អនុរដ្ឋលេខាធិការក្រសួងប្រៃសណីយ៍ និងទូរគមនាគមន៍ លើកឡើងក្នុងសិក្ខាសាលាស្ដីពីបំលាស់ប្ដូរនៃយុគសម័យឌីជីថល និងបច្ចេកវិទ្យា IoT, AI, Big Data និង Cloud Computing កាលពីព្រឹកថ្ងៃទី ២២ ខែឧសភា ឆ្នាំ២០១៨។

(IoT)

លោកបន្ថែមថា សព្វថ្ងៃក្រៅពីកុំព្យូទ័រ និងស្មាតហ្វូន ការប្រើប្រាស់បច្ចេកវិទ្យា Internet of things(IoT) នៅកម្ពុជាឃើញមាននៅលើរថយន្ត សួនច្បារសាធារណៈ អគារ និងកាមេរ៉ាសុវត្ថិភាពតាមដងផ្លូវខ្លះៗ តែក្នុងចំនួនតិចតួចប៉ុណ្ណោះ។ ដោយឡែកចំពោះការរំពឹងទុក នៅឆ្នាំ ២០២០ កម្ពុជានឹងកើនឡើងចំនួនអ្នកប្រើប្រាស់បច្ចេកវិទ្យា Internet of things(IoT) ប្រមាណជា ១០ ភាគរយបន្ថែមទៀត៕

អត្ថបទ៖ រក្សា