ឆ្លងកាត់ច្រើនសប្ដាហ៍មក ទីបំផុតរកឃើញជយលាភីថ្នាក់ជាតិ Technovation ២០១៨

2018-05-22 07:30:00
ព័ត៌មាន

2018-05-22 07:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Technovation Cambodia ឆ្នាំ ២០១៨ ជាកម្មវិធីប្រកួតប្រជែងសរសេរកូដបង្កើតកម្មវិធីសម្រាប់ការប្រកួតប្រជែងអន្តរជាតិ ក្នុងគោលបំណងបង្កើនចំនួនស្ត្រីក្នុងវិស័យបច្ចេកវិទ្យា និងសហគ្រិនភាព។ ក្រោយឆ្លងកាត់ច្រើនសប្ដាហ៍មក ទីបំផុតរកឃើញជយលាភីតាមផ្នែកនីមួយៗ កាលពីចុងសប្ដាហ៍កន្លងទៅ។

ខាងក្រោមនេះជា ជយលាភីថ្នាក់ជាតិ Technovation ២០១៨

ជយលាភីលេខ ១

កម្រិតSenior បានទៅលើក្រុម Tech Girls Cambodia ទទួលបានទឹកប្រាក់ ២,០០០,០០០ រៀល។
កម្រិតJunior បានទៅលើក្រុម Five Infinities ទទួលបានទឹកប្រាក់ ១,២០០,០០០ រៀល។

ជយលាភីលេខ ២

បានទៅលើក្រុម Always Be Close(ABC) ទទួលបានទឹកប្រាក់ ១,០០០,០០០ រៀល។

ជយលាភី ៣ ឬ People's Choice Award

បានទៅលើក្រុម Estrongen ទទួលបានទឹកប្រាក់ ៦០០,០០០ រៀល។

ប្រវត្តិត្រួសៗ និងស្នាដៃក្រុមជយលាភី

ក្រុម Tech Girls Cambodia មានសមាជិកចំនួន ៥ នាក់កំពុងរៀនថ្នាក់ទី ៧ និងថ្នាក់ទី ១២ មកពីវិទ្យាល័យព្រះស៊ីសុវត្ថិ បង្កើតកម្មវិធីឈ្មោះថា E-Lab ដែលជាកម្មវិធីបង្រៀនពិសោធន៍វិទ្យាសាស្ត្រលើអ៊ីនធឺណិត សម្រាប់ជាជំនួយដល់សិស្សស្វ័យសិក្សា។
ក្រុម Five Infinities មានសមាជិក ៥ នាក់មកពីសាលា Liger Leadership Academy បង្កើតបានកម្មវិធីឈ្មោះថា MEP Center ដែលជាកម្មវិធីសម្រាប់ជួយសម្រួលដល់អ្នកផ្គត់ផ្គង់(អ្នកលក់)និងអតិថិជន(អ្នកទិញ) ឲ្យទំនាក់ទំនងគ្នាងាយស្រួល ក្នុងការបង់ទឹក-ភ្លើងប្រចាំខែ។
ក្រុម Always Be Close(ABC) មានសមាជិក ៣ នាក់មកពីសាលា Smart Kids International School ខេត្តសៀមរាប បង្កើតបានកម្មវិធីមួយឈ្មោះថា My Cam Guide ដែលជាកម្មវិធីសម្រាប់ជំនួយភ្ញៀវទេសចរទាក់ទងទៅមគ្គុទ្ទេសក៍ទេសចរណ៍(Tour Guide)ដែលគួរទុកចិត្តពេលការធ្វើដំណើរមកទស្សនាប្រទេសកម្ពុជា។
ក្រុម Estrongen មានសមាជិក ៣ នាក់មកពីសាលា ICS International School បង្កើតបានកម្មវិធីមួយឈ្មោះថា TutorKH ដែលជាកម្មវិធីសម្រាប់ភ្ជាប់រវាងគ្រូបង្រៀន ដែលសិស្សអាចទុកចិត្តបានលើអនឡាញ ដែលមានបញ្ចូលប្រព័ន្ធចំណាត់ថ្នាក់គួរឱ្យទុកចិត្ត ដែលផ្អែកលើការបញ្ចេញមតិរបស់អតីតសិស្ស។