- 2018-05-15 03:55:00
- ព័ត៌មាន
ក្រោយឡើងកាន់តំណែងបាន ៥ ឆ្នាំ CEO ក្រុមហ៊ុន Mazda ប្រកាសលាឈប់
- 2018-05-15 03:55:00
- ចំនួនមតិ 0 | ចំនួនចែករំលែក 0
ក្រោយឡើងកាន់តំណែងបាន ៥ ឆ្នាំ CEO ក្រុមហ៊ុន Mazda ប្រកាសលាឈប់
ចន្លោះមិនឃើញ
លោក Masamichi Kogai នាយកប្រតិបត្តិតំណាងក្រុមហ៊ុន Mazda Motor Corp នឹងសម្រេចលាឈប់ បន្ទាប់ពីកាន់តំណែងនេះបាន ៥ ឆ្នាំ។ ការផ្លាស់ប្តូរនេះធ្វើឡើងក្រោយពេលកំណើនលក់នៅទីផ្សារអាមេរិកមានការកើនឡើងយឺត បន្សំនឹងការប្រកួតប្រជែងខ្ពស់ក្នុងប្រទេសចិន។
ថ្លែងប្រកាសកាលពីថ្ងៃសុក្រ Mazda បានបញ្ជាក់ឲ្យដឹងថាអនុប្រធានប្រតិបត្តិលោក Akira Marumoto នឹងឡើងមកជំនួសតំណែងនេះ ដោយការតែងតាំងនឹងប្រព្រឹត្តិទៅជាផ្លូវការក្នុងកិច្ចប្រជុំភាគហ៊ុនប្រចាំឆ្នាំនាថ្ងៃទី ២៦ មិថុនាខាងមុខ។
អំឡុងពេល ៥ ឆ្នាំ លោក Kogai បានបង្កើតទំនាក់ទំនងយ៉ាងល្អជាមួយដៃគូក្នុងស្រុក Toyota Motor Corp ខណៈកាលពីខែសីហាកន្លងទៅ ធ្លាប់ប្រកាសពីការរឹតបន្តឹងទំនាក់ទំនងល្អរវាងក្រុមហ៊ុនទាំងពីរ។
ប៉ុន្តែប្រភពពី Bloomberg បានសង្កត់ធ្ងន់ទោះជាយ៉ាងណាក៏ភាគហ៊ុនរបស់ Mazda ចាប់មានការធ្លាក់ចុះអំឡុងពេលលោកកាន់អំណាច ដោយសារក្រុមហ៊ុនជួបបញ្ហាក្នុងការទទួលបានបច្ចេកវិទ្យាថ្មីៗក្នុងឧស្សាហកម្មផលិតរថយន្តនិងរងការប្រកួតប្រជែងខ្ពស់ជាមួយក្រុមហ៊ុនដទៃ។
ការផ្លាស់ប្តូរនេះក៏ធ្វើឡើងទន្ទឹមគ្នានឹងវិស័យរថយន្តកំពុងឆ្ពោះទៅបច្ចេកវិទ្យាបើកបរស្វ័យប្រវត្តិ ភ្ជាប់នឹងរថយន្តអគ្គិសនី ហើយនាយកប្រតិបត្តិថ្មីលោក Marumoto នឹងមានផែនការណ៍ដឹកនាំក្រុមហ៊ុនឲ្យឆ្ពោះទៅរកគោលដៅលក់ចេញរថយន្ត ២ លានគ្រឿងក្នុងមួយឆ្នាំ នៅឆ្នាំ ២០២៤ ទាំងដែលបច្ចុប្បន្នលក់បាន ១,៦ លានគ្រឿង។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: