Lexus LX 570 ស៊េរី 2018 តម្លៃនៅតែកប់

2018-05-08 04:04:42
ផលិតផលថ្មី

2018-05-08 04:04:42
ចំនួនមតិ 0 | ចំនួនចែករំលែក 0

ចន្លោះមិនឃើញ

Lexus LX 570 ស៊រីឆ្នាំ 2018 ជាប្រភេទឡានដែលមានភាពពេញនិយមសម្រាប់មន្ត្រីរាជការ ឬ អ្នកមានអភិជន។

រូបភាពពី Google

បើតាមម្ចាស់ឃ្លាំងលក់ឡានមួយកន្លែងសូមមិនបញ្ចេញឈ្មោះបានប្រាប់ Sabay ថា LX 570 ប្រភេទ Super Sport ម៉ូដែលថ្មីនេះបំពាក់ដោយម៉ាស៊ីន V8 ទំហំ 5.7 លីត្រ និងមានកម្លាំងម៉ាស៊ីន ៣៧២ សេស។

ចំពោះរូបរាងមានភាពខុសប្លែកពីស៊េរីមុនបន្តិចប៉ុណ្ណោះគឺនៅកាងខាងមុខ ប្ដូរពីសំណាញ់មកជាក្រឡាស្រួចបញ្ឈរចូលគ្នា ប៉ាណា កាងក្រោយ ស៊ុមផ្លាកលេខ ពណ៌យ៉ាន់ថ្មី និងមានដាក់អក្សរ Super Sport បន្ថែម។

ចំពោះតម្លៃដាក់លក់នៅខ្មែរវិញលោកបានបង្ហើបប្រាប់ថាមានតម្លៃប្រហែល ២៣៥ ០០០ ដុល្លារ។

លក្ខណៈពិសេសរបស់ LX 570 នេះគឺចង្កៀងមុខទាំងសងខាងរបស់វាប្រភេទ LED មានរាងបញ្ឈរ ដែលធ្វើឱ្យផ្នែកមុខទាំងមូលនៃរថយន្តនេះរឹតតែមានទាក់ទាញជាងស៊េរីមុនៗ រីឯតាប្លូខាងក្នុងបំពាក់ដោយផ្ទាំង Touchscreen សម្រាប់ផ្ដល់ព័ត៌មានផ្សេងៗទំហំ ១២,៣អ៊ីញ។

បច្ចេកវិទ្យាទំនើបដែលបានបំពាក់លើម៉ូដែល LX 570 នេះមានដូចជា កាមេរ៉ាក្រោយប្រភេទ Panorama (Panoramic Rearview Camera) ដែលអាចឱ្យអ្នកបើកបរមើលឃើញទិដ្ឋភាពនៅខាងក្រោយរថយន្តបានយ៉ាងធំទូលាយ និងងាយស្រួល និង Driving Mode ពិសេសចំនួន ៤ (Eco, Comfort, Sport S និង Sport S+ ) សម្រាប់ពិនិត្យមើលស្ថានការណ៍ម៉ាស៊ីន ក៏ដូចជាបូមរថយន្តជាដើម៕

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

ចុចអានបន្ត៖

អត្ថបទ៖ ម៉េងងី