អ្នកប្រើ Twitter ទាំងអស់ត្រូវធ្វើរឿងមួយនេះជាបន្ទាន់ បើមិនចង់ស៊យធំ

2018-05-04 02:29:12
ព័ត៌មាន

2018-05-04 02:29:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Twitter បានអំពាវនាវឲ្យអ្នកប្រើប្រាស់ទាំងអស់របស់ខ្លួនជាង ៣៣០ លាននាក់ប្រញាប់ប្រញាល់ក្នុងការប្ដូរលេខសម្ងាត់គណនីរបស់ខ្លួន បន្ទាប់ពីមានការលេចចេញនូវ Bug ដែលបង្ហាញលេខសម្ងាត់របស់អ្នកនៅក្នុង Plain Text File (ឯកសារអត្ថបទ)។

ទោះបីជាមិនមានភស្តុតាងពីការលេចធ្លាយ ឬប្រើប្រាស់លេខសម្ងាត់ដោយខុសច្បាប់ក្ដី ក៏ក្រុមហ៊ុន Twitter នៅតែទាមទារឲ្យអ្នកប្រើប្រាស់រាល់គ្នាប្ដូរលេខសម្ងាត់នៅលើ Twitter និងនៅលើ App ផ្សេងទៀតដែលទាក់ទងជាមួយគណនី Twitter របស់អ្នកដូចជា Twitterrific និង TweetDeck ជាដើម។

ទាក់ទិននឹងបញ្ហានេះ វាកើតឡើងដោយសារតែការរៀបចំវិធីផ្ទៀងផ្ទាត់លេខសម្ងាត់ (Hashing Algorithm) របស់ Twitter ផ្ទាល់មិនបានប្ដូរ (Masking) លេខសម្ងាត់ដើម ហើយកត់លេខសម្ងាត់នោះទុកជាឯកសារក្នុង Log ខាងក្នុងរបស់ខ្លួនតែម្ដង។ ប៉ុន្តែ Twitter បានលើកឡើងពីការរកឃើញ Bug នេះដោយខ្លួនឯង និងធានាមិនឲ្យមានរឿងនេះកើតឡើងទៀតទេ។

We are sharing this information to help people make an informed decision about their account security. We didn’t have to, but believe it’s the right thing to do. https://t.co/yVKOqnlITA
— Parag Agrawal (@paraga) May 3, 2018

ខាងក្រុមហ៊ុនមិនបានរាយការណ៍ពីតួលេខ នៃគណនីដែលរងផលប៉ះពាល់នៅឡើយទេ។ ប៉ុន្តែ តាមហេតុផលដែលក្រុមហ៊ុនឲ្យអ្នកប្រើប្រាស់របស់ខ្លួនទាំងអស់លើពិភពលោកប្ដូរលេខសម្ងាត់នោះ ប្រហែលជាមានគណនីមិនតិចទេ ដែលរងផលប៉ះពាល់៕

ចុចអាន៖

ប្រភព៖ theverge ប្រែសម្រួល៖ ផាត សុវត្ថិ