ចេញកាមេរ៉ា Lumix GF10 ត្រូវប៉ាន់ៗស្រីចូលចិត្តថត Selfie

2018-04-26 01:46:51
ផលិតផលថ្មី

2018-04-26 01:46:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Panasonic របស់ប្រទេសថៃបានប្រកាសចេញលក់នូវកូនកាមេរ៉ា Mirrorless ជំនាន់ថ្មី ម៉ូឌែល Lumix GF10 វិវត្តប្រើប្រាស់នូវ Sensor Live MOS ទំហំ 16MP អាចផ្តិតយករូបភាពកាន់តែច្បាស់និងម៉ត់ល្អជាងមុន។ សម្របនឹងប្រព័ន្ធ Venus Engine អនុញ្ញាតឲ្យកាមេរ៉ាតូចច្រឡឹងមួយនេះ អាចចាប់យករូបភាពនិងវីដេអូដល់កម្រិត 4K ជាមួយល្បឿន Focus ត្រឹមតែ ០,០៧ វិនាទី ។

ជាមួយមុខងារ Night Mode Selfie ត្រូវប៉ាន់អ្នកលង់នឹងការថតរូប អាចទទួលបានរូបភាពពណ៌ធម្មជាតិ ភ្លឺស្រស់ស្អាត មិនថាតែនៅទីតាំងងងឹត។ បន្សំពីនេះប្រព័ន្ធ Background Control បើកឲ្យអ្នកប្រើ អាចកែប្លង់ផ្ទៃខាងក្រោយទៅជាព្រាលក្រោយពេលថត សក្ដិសមសម្រាប់អ្នកចូលចិត្តថត Selfie ពេលធ្វើដំណើរកម្សាន្ត។

រចនាពិសេសនូវមុខងារ Beauty Retouch បើកប្រើលើអេក្រង់ទំហំ ៣ អ៊ីញ ជួយឲ្យអ្នកអាចកែផ្ទៃមុខកាន់តែសស្រស់ស្អាត, ជួយឲ្យធ្មេញកាន់តែស និងលុបបំបាត់មុនលើផ្ទៃមុខ បន្សំការតុបតែងលេងពណ៌មួយចំនួនផ្សេងទៀតជាមួយ Filter ប្រមាណ ២២ Effects។

ស្ថិតក្នុងវិមាត្រខ្លួន ៦៤,៦ x ៣៣,៣ x ១០៦,៥ ម.ម និងទម្ងន់ ២៧០ ក្រាម មានជម្រើសពណ៌ ៤ រួមមានទឹកក្រូច, ស៊ីជម្ពូ, ប្រផេះ និងខ្មៅ។ សម្រាប់ទីផ្សារប្រទេសថៃកាមេរ៉ា Lumix GF10 នឹងដាក់លក់ក្នុងតម្លៃ ២៣ ៩៩០ បាត ឬប្រហែល ៧៦០ ដុល្លារ ជាមួយការថែមជូននូវ microSDCard 4K 16GB និង LUMIX G Case មួយយ៉ាងស្រស់ស្អាត។