- 2018-03-17 08:53:44
- ព័ត៌មាន
អ្នកណាគេនាំអាទិ៍ឲ្យផលិតទូរសព្ទ ក្បាលឆក មុនគេ?
- 2018-03-17 08:53:44
- ចំនួនមតិ 0 | ចំនួនចែករំលែក 0
អ្នកណាគេនាំអាទិ៍ឲ្យផលិតទូរសព្ទ ក្បាលឆក មុនគេ?
ចន្លោះមិនឃើញ
ស្មាតហ្វូនមាន ក្បាលឆក បានក្លាយទំនោរដ៏ពេញនិយមមួយចំពោះក្រុមហ៊ុនផលិតស្មាតហ្វូននាពេលបច្ចុប្បន្ន ពិសេសក្រោយពី iPhone X បានបង្ហាញខ្លួន។ យ៉ាងណាក្ដីបើតាមឲ្យដល់ទៅក្រុមហ៊ុនដែលណែនាំស្មាតហ្វូនក្បាលឆកមុនគេ មិនមែន Apple នោះទេ។
ក្រុមហ៊ុន Essential បានបង្ហាញចេញ Essential Phone នៅខែឧសភា ឆ្នាំ ២០១៧ ជាស្មាតហ្វូនដំបូងដែលមានបាត់អេក្រង់មួយដុំតូច ឬអាចថាមានក្បាលឆកតូច។
Apple ជាក្រុមហ៊ុនទីពីរដែលនាំយកស្មាតហ្វូនមានក្បាលឆកលក់លើទីផ្សារ ដោយមានក្បាលឆកធំជាង Essential Phone ឆ្ងាយណាស់។ នេះក៏ដោយសារ Apple បានបំពាក់ប្រព័ន្ធកាមេរ៉ា TrueDepth នៅផ្នែកខាងមុខ សម្រាប់មុខងារ FaceID និង Animoji។
បន្ទាប់ពី iPhone X មានក្បាលឆកធំបានប្រកាសចេញ គេសង្កេតឃើញថាមានក្រុមហ៊ុន Android ជាច្រើនបាននាំយករចនាបថនេះទៅដាក់លើស្មាតហ្វូនថ្មីរបស់ខ្លួន។ ក្នុងនោះមានក្រុមហ៊ុនល្បីៗដូចជា Asus, Huawei និង Oppo ជាដើម។ បន្ថែមពីនេះ សូម្បីតែស្មាតហ្វូន LG ជំនាន់ថ្មី ក៏មានដំណឹងល្ហៀងៗថាមានក្បាលឆក តាមស្ទីល iPhone X ផងដែរ។
ទោះបីជារចនាបថឆកបានក្លាយជាទំនោរដ៏ពេញនិយមមួយមែនពិត ប៉ុន្តែកន្លងទៅមានដំណឹងលេចឮថា iPhone ចេញឆ្នាំ ២០១៩ នឹងមិនមានក្បាលឆកនោះទេ៕
ចុចអាន៖
