ប្រើ DMS ដូចមានសន្តិសុខ ២៤ ម៉ោង តាមដានការងារគ្រប់ពេលវេលា

2016-12-31 02:46:05
ព័ត៌មាន

2016-12-31 02:46:05
ចំនួនមតិ 0 | ចំនួនចែករំលែក 0

ចន្លោះមិនឃើញ

DMS ជាប្រព័ន្ធគ្រប់គ្រងអាជីវកម្មថ្មីសម្រាប់សហគ្រាសធុនតូចនិងមធ្យម ដែលប្រព័ន្ធនេះអាចកាត់បន្ថយភាពសាំញ៉ាំ បង្កើនប្រសិទ្ធភាពសម្រាប់ការធ្វើអាជីវកម្ម និងធ្វើឲ្យអ្នកគ្រប់គ្រងអាចតាមដានសកម្មភាពការងារបានគ្រប់ពេលវេលា។

លោក សៀង ថាវង់ ប្រធានផ្នែកថែទាំអតិថិជនរបស់ក្រុមហ៊ុនមិត្តហ្វូនឲ្យដឹងថា ការប្រើប្រាស់ប្រព័ន្ធ DMS មិនខុសពីមានសន្តិសុខ ២៤ ម៉ោង ដែលប្រព័ន្ធនេះអាចតាមដានរាល់សកម្មភាពដំណើរការអាជីវកម្ម និងរាយការណ៍ពីការងាររបស់បុគ្គលិកលើបណ្ដាញអនឡាញ ដែលជួយអ្នកគ្រប់គ្រងបានដឹងគ្រប់ពេលវេលា។

លោកថា ប្រព័ន្ធនេះផ្ដល់ភាពងាយស្រួលសម្រាប់អាជីវកម្មខ្នាតតូច និងមធ្យមក្នុងការគ្រប់គ្រងការលក់ និងចែកចាយ កាត់បន្ថយការចំណាយចំពោះប្រព័ន្ធគ្រប់គ្រងស៊ាំងញ៉ាំ រួមទាំងអាចធ្វើបច្ចុប្បន្នភាពព័ត៌មានទីផ្សារបានភ្លាមៗ។

ជាក់ស្ដែង អតិថិជនអាចកុម្ម៉ង់ទិញផលិតផលណាមួយពីក្រុមហ៊ុនលើទូរសព្ទដៃ ហើយនៅពេលបុគ្គលិកទទួលការបញ្ជាទិញ ក៏ចាប់ផ្ដើមប្រតិបត្ដិការសេវាកម្មជូនអតិថិជនភ្លាមៗ។

DMS (Distribution and Management System) ជាសេវាកម្មថ្មីមួយទៀតដែលក្រុមហ៊ុនបណ្តាញទូរសព្ទមិត្តហ្វូន ទើបណែនាំសម្រាប់អាជីវកម្មធុនតូចនិងមធ្យមនៅកម្ពុជា។

DMS បែងចែកជាពីរ «DMS One និង DMS Plus DMS Plus។ DMS One មានមុខងារគ្រប់គ្រងការលក់ និងចែកចាយដូច DMS ដែរ ប៉ុន្ដែវាមានលក្ខណៈខុសប្លែកតែមួយចំណុចគឺ DMS Plus គ្មានមុខងារតាមដាននៅលើអនឡាញ ដែលរាយការណ៍ពីសកម្មភាពបុគ្គលិកជូនដល់ថ្នាក់ដឹកនាំក្រុមហ៊ុនឡើយ។

អត្ថបទ៖ ប៊ុណ្ណារ៉ា