៣ រឿងដែល មិត្តហ្វូន បានធ្វើអំឡុងជំងឺកូវដី១៩រាតត្បាត ជួយដល់វិស័យអប់រំច្រើនមិនស្ទើរ

2020-04-03 01:45:00
ព័ត៌មាន

2020-04-03 01:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពីផ្ទុះឡើងវីរុស Covid-19 មិត្តហ្វូនបានខិតខំគាំទ្រចូលរួមចំណែកជួយជាមួយរដ្ឋាភិបាល និងប្រជាជន ជាពិសេសផ្នែកអប់រំ តាមរយៈវិធីសាស្រ្តជាក់ស្តែងផ្សេងៗរួមមាន ការឧបត្ថម្ភសម្រាប់ការសិក្សាតាមបណ្ដាញអ៊ីនធឺណិត ដំណោះស្រាយតាមរយៈកិច្ចប្រជុំវីដេអូខល ផ្តល់ជូននូវហេដ្ឋារចនាសម្ព័ន្ធទូរគមនាគមន៍ដោយឥតគិតថ្លៃ និងជាច្រើនទៀតផងដែរ។

ចាប់តាំងពីខែមីនា ក្នុងកំឡុងពេលដែលជំងឺរាតត្បាត Covid-19 បានធ្វើឲ្យប៉ះពាល់ដល់ប្រទេសជាច្រើនក្នុងពិភពលោក រួមមានទាំងប្រទេសកម្ពុជាផងដែរ ការរក្សាគម្លាតឆ្ងាយពីសង្គមត្រូវបានលើកទឹកចិត្ត ដើម្បីជាការដាក់កំហិតទប់ទល់នឹងការឆ្លងមេរោគនេះ។ ចាប់តាំងពីចុងខែមីនាមក សាលារៀនទាំងអស់នៅទូទាំងប្រទេសត្រូវបានបិទ ដើម្បីការពារការរីករាលដាលវីរុសទៅកាន់កូនសិស្សទាំងអស់ ដែលជាអនាគតនៃប្រទេសជាតិ។ ដោយបានឃើញនូវស្ថានភាពទាំងនេះ មិត្តហ្វូនបានរួមចំណែកភ្លាមៗ ជាមួយនឹងធនធានទាំងអស់ដែលខ្លួនមាន ដោយបានអនុវត្តន៍ នឹងផ្តល់នូវដំណោះស្រាយជាច្រើនជាមួយរដ្ឋាភិបាលនិងប្រជាជន ធ្វើយ៉ាងណាយកឈ្នះឲ្យបាននូវកាលៈទេសៈនេះ ដើម្បីរក្សាប្រសិទ្ធភាពការអប់រំ តាមរយៈការសិក្សាតាមបណ្តាញអ៊ីនធឺណិត។

ជាដំបូង មិត្តហ្វូនបានផ្តល់ជូននូវការប្រើប្រាស់ទិន្នន័យដោយឥតគិតថ្លៃជូនដល់សិស្សនិសិ្សតទាំងអស់ ដើម្បីចូលទៅកាន់អ៊ីនធឺណែតផតថលសម្រាប់ការសិក្សាតាមប្រព័ន្ធអេឡិចត្រូនិក រួមទាំងកម្មវិធី WiKi TV និងគេហទំព័រ e-Learning ទាំងអស់របស់ក្រសួងអប់រំ យុវជន នឹងកីឡាពេញមួយឆ្នាំ២០២០នេះតែម្តង។ មិត្តហ្វូនក៏បានផ្តល់ជូននូវការបញ្ចុះតម្លៃ៥០% រហូតដល់ចុងខែមេសាឆ្នាំ២០២០ សម្រាប់ការភ្ជាប់អ៊ីនធឺណិតលើកដំបូងទៅដល់មាតាបិតាសិស្សទាំងអស់បន្ទាប់ពីសាលារៀនទូទាំងប្រទេសបានបិទក្នុងកំឡុងពេលវីរុស Covid-19 កំពុងរីករាលដាល។

Metfone ផ្ដល់ជូនការប្រើប្រាស់ WiKi TV និងគេហទំព័រផតថលទាំងអស់ដោយឥតគិតថ្លៃ

Metfone បញ្ចុះតម្លៃ ៥០% សម្រាប់ការភ្ជាប់អ៊ីនធឺណិតលើកដំបូងសម្រាប់សិស្ស និងគ្រូបង្រៀន

សកម្មភាពទី២ ក្រុមហ៊ុនមិត្តហ្វូនបានរីករាយក្នុងការប្រគល់ជូននូវការប្រជុំតាមប្រព័ន្ធវីដេអូខល(Video Conference) ទៅកាន់ក្រសួងអប់រំ យុវជន និងកីឡា (MOEYS) និងសម្រាប់រាល់គោលបំណងរបស់ក្រសួង ដែលអាចទាក់ទងពីចម្ងាយ ត្រួតពិនិត្យតាមអនឡាញ ប្រតិបត្តិការ ពិភាក្សានឹងផ្ដល់ការណែនាំទៅកាន់មន្ទីរ របស់ក្រសួងទាំងអស់ផងដែរ។ ជាមួយគ្នានេះ ក្រសួងក៏ទទួលបាននូវប្រសិទ្ធភាពការងារយ៉ាងពិតប្រាកដ និងមានគុណភាពខ្ពស់ក្នុងការទំនាក់ទំនងទៅកាន់មន្ត្រីក្រោមឱវាទបានយ៉ាងងាយស្រួលដែលមិនធ្លាប់មានពីមុនមក។ ទាំងអស់នេះបានកើតឡើងនៅក្នុងពិធីចុះហត្ថលេខាលើអនុស្សរណៈនៃការយោគយល់គ្នារវាងក្រុមហ៊ុនមិត្តហ្វូននិងក្រសួងអប់រំ យុវជន និងកីឡា ដើម្បីលើកកំពស់ប្រព័ន្ធទូរគមនាគមន៍ និងកម្មវិធី ICT សម្រាប់ក្រសួង និងសាលារៀនទាំងអស់នៅទូទាំងប្រទេសកាលពីថ្ងៃទី ២៥ មីនា ឆ្នាំ២០២០។

Metfone ប្រគល់ជូននូវការប្រជុំតាមប្រព័ន្ធវីដេអូខលទៅកាន់ក្រសួងអប់រំ យុវជន និងកីឡាថ្មីៗនេះ

ទី៣ មិត្តហ្វូនបានដាក់ពង្រាយនូវហេដ្ឋារចនាសម្ព័ន្ធទូរគមនាគមន៍ដោយឥតគិតថ្លៃសម្រាប់ក្រសួងអប់រំ យុវជន និងកីឡា ដើម្បីអនុវត្តន៍នូវកម្មវិធីសិក្សាតាមប្រព័ន្ធអនឡាញ។ បន្ថែមពីនេះមិត្តហ្វូន កំពុងតែអនុវត្តន៍នូវវេទិកា សិក្សាតាមប្រព័ន្ធអនឡាញទៅកាន់សកលវិទ្យាល័យ និងវិទ្យាល័យ សំរាប់សិស្សានុសិស្ស ៥០ម៉ឺននាក់ប្រើប្រាស់ដោយឥតគិតថ្លៃ ដើម្បីជួយដល់សិស្សនិស្សិត និងគ្រូបង្រៀនជាមួយនឹងមេរៀនតាមអនឡាញប្រកបដោយប្រសិទិ្ធភាពខ្ពស់។ មិត្តហ្វូនរំពឹងថាការងារទាំងអស់នឹងនេះនឹងរួចរាល់ នៅពាក់កណ្តាលខែមេសានេះផងដែរ។

លើសពីនេះទៅទៀត ចាប់តាំងពីខែមីនាមក សារសម្លេងរោទ៍ Covid-19 បានដាក់ឲ្យប្រើប្រាស់ដោយឥតគិតថ្លៃពីសេវាកម្ម I-Muzik របស់មិត្តហ្វូន ដែលបានកំណត់ណែនាំដោយក្រសួងដើម្បីការពារប្រយុទ្ធប្រឆាំងនឹងការរីករាលដាលនៃវីរុស Covid-19 ទៅកាន់អតិថិជនទាំងអស់របស់មិត្តហ្វូនផងដែរ។

មិត្តហ្វូនប្តេជ្ញា បន្តគាំទ្រនៅក្នុងការការពារការររីករាលដាលនៃវីរុសCovid-19 ទៅកាន់អតិថិជន និងប្រជាជនកម្ពុជាទាំងអស់។ សូមតាមដានគេហទំព័ររបស់មិត្តហ្វូន https://metfone.com.kh/en និងទំព័រហ្វេសប៊ុកផ្លូវការ http://fb.com/metfone.closer ដើម្បីតាមដានពត៌មានផ្សេងៗ៕