ធ្លាប់តែគិតលុយ ឥលូវកម្មវិធី Think! Think! បើកឲ្យប្រើ Free កូនៗអាចរៀននៅផ្ទះហើយមានឱកាសប្រកួតយករង្វាន់ទៀត

2020-03-21 05:47:07
ព័ត៌មាន

2020-03-21 05:47:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Hanamaru Lab កំពុងតែបើកឲ្យសិស្សនៅកម្ពុជាប្រើប្រាស់កម្មវិធី “Think!Think! App” របស់ខ្លួនដោយឥតគិតថ្លៃ និងបើកឲ្យសិស្សប្រកួតប្រជែងគ្នាតាមអនឡាញក្នុងកម្មវិធីមួយមានឈ្មោះថា ពានរង្វាន់សង្រ្កាន្ត “Special Songkran Cup”។

«ដើម្បីលើកទឹកចិត្តសិស្សនៅកម្ពុជាក្នុងពេលជួបបញ្ហា “វីរុសកូរ៉ូណា” ត្រូវផ្អាកទៅរៀនសាលាបណ្ដោះអាសន្ន យើងបានបង្កឱកាសឲ្យសិស្សខ្មែរទាំងអស់ បានរៀនដោយស្វ័យសិក្សានៅផ្ទះ តាមរយៈការប្រើប្រាស់វគ្គសិក្សាពិសេស “Think!Think! App’s premium course” នៅខែមីនានេះដោយឥតគិតថ្លៃ»។ នេះបើតាមការលើកឡើងរបស់នាយកប្រតិបត្តិក្រុមហ៊ុន Hanamaru Lab លោក ខេ កាវាស៊ីម៉ា។

ចាប់អារម្មណ៍ ? អាចសាកដោនឡូតលេងឥលូវបាន តាមលីងខាងក្រោម៖

«យើងក៏មានការប្រកួតប្រជែងពានរង្វាន់សង្រ្កាន្ត “Special Songkran Cup”នៅខែ មេសា ផងដែរ ។ សិស្សឆ្នើម ២០ រូបដែលឈ្នះពីការប្រកួតពានរង្វាន់សង្រ្កាន្ត “Special Songkran Cup” នឹងត្រូវបានអញ្ជើញចូលរួមប្រកួតបន្តនៅវគ្គផ្តាច់ព្រ័ត្ររកជយលាភីជើងឯកប្រចាំវគ្គនេះ»។ លោកបញ្ជាក់បន្ថែម។

ពានរង្វាន់សង្រ្កាន្ត “Special Songkran Cup” នឹងចាប់ផ្តើមពីថ្ងៃទី ៦ រហូតដល់ ១៧ មេសា ២០២០ នេះ។

កម្មវិធី Think!Think! គឺជាកម្មវិធីអប់រំដែលមើលទៅហាក់បីដូចជា mini-games ប៉ុន្តែវាពិតជាបានជួយអភិវឌ្ឍន៍ភាពវ័យឆ្លាតរបស់ក្មេង និងជួយពង្រឹងសមត្ថភាពក្មេងក្នុងការដោះស្រាយបញ្ហាផ្សេងៗយ៉ាងពិតប្រាកដមែន។

កម្មវិធីនេះមានអ្នកប្រើប្រាស់ច្រើនជាង ១លាននាក់ ជុំវិញពិភពលោក និងទទួលបានពានរង្វាន់ជាច្រើនដូចជា៖ លំដាប់ថ្នាក់លេខ១ នៅជប៉ុនខាងផ្នែក អ៊ី លើននីង “Japan’s No.1 E-learning” និង ពានរង្វាន់ App លំដាប់លេខ ៥ ដែលល្អបំផុតពីក្រុមហ៊ុន Google “Top 5 App Award from Google”។

Think!Think! មានគម្រោងមួយ ហើយគម្រោងនេះគឺជួយដល់ការអប់រំផ្នែក STEM នៅសាលារដ្ឋក្នុងប្រទេសកម្ពុជា ដោយមានការចូលរួមពី អង្កការជំនួយអន្តរជាតិជប៉ុន “JICA” និង ក្រសួងអប់រំយុវជន និងកីឡា “MoEYS” ចាប់តាំងពីឆ្នាំ២០១៨ រហូតមកទល់បច្ចុប្បន្ន។

តាមរយៈលទ្ធផលក្នុងការស្រាវជ្រាវរបស់គម្រោងនេះបានបង្ហាញថា សិស្សបន្ទាប់ពីបានរៀនជាមួយកម្មវីធីនេះ គឺមានការរីករចម្រើនលើ ជំនាញក្នុងការគិត (cognitive) និង ជំនាញក្នុងការទំនាក់ទំនង (noncognitive skills) ជាជាងសិស្សដែលមិនបានរៀន។

«បច្ចុប្បន្ននេះយើងកំពុងបន្តបង្រៀនសិស្សតាមកុំព្យូទ័រ នៅសាលាចំនួន ៨ ក្នុងបណ្តាខេត្តក្រុងផ្សេងៗដូចជា៖ ភ្នំពេញ កណ្តាល កំពង់ចាម ស្វាយរៀង ព្រៃវែង និងសៀមរាប»។ នាយកប្រតិបត្តិក្រុមហ៊ុន Hanamaru Lab បញ្ជាក់បន្ថែម៕

អត្ថបទ៖ លីដា

មតិយោបល់

បច្ចេកវិទ្យា

ភ្ជាប់ទំនាក់ទំនងជាមួយ បច្ចេកវិទ្យា

ពាក្យទាក់ទង